NENGSEKHI 101 - AMÜSA BAIBEL (BSI)

David Khi

¹ I khi tsü yochonyiba ko yuje nengdang, O Abüdongba, Ihnü hütsü Nü khyang thsanung.

² I saying achomükeh linung, Nüh I yanglang khode ronung? I kuh la Ih amüsa akang linung

³ ko khodesü amünyi münguchinung. Tsingrangba tenü za liba nguchi Ihnü thrünyire; Ih arüh te tu nguchi mühle.

⁴ Ih yuje mücho müthsanung, ko amünyi te tu chingkeh mülinung.

⁵ Bürü nyüm rang chorü Ihnü changsohnung; Amüthsehrü ko hongzirü te Ihnü mürangchonung.

⁶ Tsingrangba te longlangchehrü Ihnü khyüchonung, ko I kuh la arüh lisohnung. Yuje chorü du Ih dikehsohnung.

⁷ I kuh la arahkhehrü süsü mülisohnung; I yola akhürahrü süsü mülisohnung.

⁸ Ihrü lih la arahkhehrü nyümong mükhu Ihnü changjünung; Abüdongba yangdilanü amünyi nyitsarü atümung Ihnü iipehnung.