NEHEMIA 7 - AMÜSA BAIBEL (BSI)

¹ Khode tbü külüpba tsü thümcho ko kukhang yohcho, trahtri nyahrü, khi thsarü ko Levirü throchehcho.

² Jerusalem yangdi dhingyehnung Ihnü nyüh anyüh throchehcho: Ini Hanani ko roshengvi nyahrü yola anüchiba Hanania tsü aparü tenü alaa Tsingrangba drüba longlangcheh nyitsarü licho.

³ Ihnü arüh te anyangnyü nyü mühelangde tbükhüm mükhangthrunung ko anyüzehlang anyahrüti mütsiedenü khangtipü tohtinung yocho. Ko adesü Ihnü arüh te Jerusalem la lirü yolanü anyahrü thropü khürü tungte khürüla ko khürü arühbürü kuh te nyahsohnung yocho.

Yangtsilangnü Thalirü Chung

⁴ Jerusalem tsü yangdi arangcheh thsacho, ta hütsüla nyitsarü dee müliecho ko kuh-sü adrong müthsaecho.

⁵ Müyurüti, arüh langnürüti ko adirüti arüh kukhi neng thrahyoh dhingchinung shimükhongsohnung Tsingrangba-nü I lasih la chotacho. Yangtsilangnü akhu rocho chung tsü Ihnü hita rangchehcho. Ihnü hütsüla hita thrahzeh ngucho.

⁶ Yangtsila lirü adrong Babylon lih pehjüpü arüh müipi arühbürü yangdi Jerusalem ko Juda lang thalicho. Arüh kukhiti tsü Babylon la yangthsaba Nebukadnezar-nü arangyohrü kang nowüba shikhe tinü licho.

⁷ Arüh langnürüti tsü Zerubabel, Joshua, Nehemia, Azaria, Ramia, Nahamani, Mordekai, Bilshan, Misperet, Bigvai, Nehum ko Bana.

^8-25 Israel tsutpu yangtsi lanü thalirü shikhi chung: Parosh — 2, 172 Shefatia — 372 Ara — 652 Pahath Moab (Jeshua ko Joab chahnü trahchocho) — 2,818 Elam — 1, 254 Zatu — 845 Zakai — 760 Binnui — 648 Bebai — 628 Azgad — 2,322 Adonikam — 667 Bigvai — 2,067 Adin — 655 Ater (Hezekia püsü dsire) — 98 Hashum — 328 Bezai — 324 Harip — 112 Gibeon — 95

^26-38 Hiri yangditi la lirü jümürü tisü thalicho: Bethlehem ko Netofa — 188 Anathot — 128 Beth Azmavet — 42 Kiriat Jearim, Chefira ko Beroth — 743 Rama ko Geba — 621 Mikmash — 122 Bethel ko Ai — 123 Aparü Nebo — 52 Aparü Elam — 1, 254 Harim — 320 Jeriko — 345 Lok, Hadid ko Ono — 721 Sena — 3,930

^39-42 Bebü hung lanü yangtsilangnü rorüh chung: Jedaia (Jeshua chahnü) — 973 Imer — 1,052 Pashur — 1, 247 Harim — 1,017

^43-45 Yangtsilangnü thalirü Levirü hung: Jeshua ko Kadmiel (Hodavia chahnü) — 74 Amübükuh la Khithsarü (Asaf chahnü) — 148 Amübükuh nyahrü (Shalum, Ater, Talmon, Akub, Hatita ko Shobai chahnü) — 138

^46-56 Yangtsi lanü thalirü amübükuh thsarü tsutpu: Ziha, Hasufa, Tabaot, Keros, Sia, Padon Lebana, Hagaba, Shalmai, Hanan, Gidel, Gahar, Reaia, Rezin, Nekoda, Gazam, Uzza, Pasea, Besai, Meunim, Nefushesim, Bakbuk, Hakufa, Harhur, Bazlit, Mehida, Harsha, Barkos, Sisera, Tema, Nezia, ko Hatifa.

^57-59 Yangtsi lanü thalirü Solomon kulirüti tsutpu: Sotai, Soferet, Perida, Jala, Darkon, Gidel, Shefatia, Hattil, Pokeret, Hazebaim ko Amon.

⁶⁰ Yangtsilang thalirü amübükuh thsarü ko Solomon kulirüti chahnü trahchochoti tsü arüh 392.

^61-62 Tel Mela, Tel Harsha, Cherub, Adon ko Imer yangditi lanü thalirü Delaia, Tobia ko Nekodarü arüh 642; ta arühnü arühbürü tsü Israelrü chahnü trahchochoepü yuzi müjüchehre.

⁶³ Bebürü hung hirihi arüh jümürü mürangcheh: Hobaia, Hakoz, ko Barzilai. (Bebü hung Barzilai jümürü tsünü Gilead-rü Barzilai hung lanü khingkurü khüdu khyücho ko akurü hung neng khyücho.)

⁶⁴ Arühnü arüh jümürü mürangchehchonü, arüh tsü bebü hung la mükhiyohcho.

⁶⁵ Jihudarü governor tsünü arüh te Urim ko Thummim bichinungthsa bebürü khüdu mülidelü Tsingrangba khyang mübücho tsuyongba tsü mütsunung yocho.

^66-69 Yangtsilangnü thalirü atümungnü — 42,360 Kulirüti khingkurü adhrerü — 7,337 Khithsarü khingkurü adhrerü — 245 Kuri — 736 Gaduza — 245 Ut — 435 Gadu — 6,720

^70-72 Nyitsarü adrongnü Amübükuh thsachibala amii sahnung shulüm amübü adrong jücho: Governor-nü hon süreh 8 mütpah-tbhü 50 bebü jengki 530 Ahung la athahtinü hon süreh 168 taripi süreh 1, 250 Müyurütinü hon süreh 168 Taripi süreh 1, 140 oshi bebürü jengki 67.

⁷³ Bebürüti, Levirüti, amübükuh nyahrü khi thsarüti ko müyurü adrong, amübükuh la nguchirüti ko Israelrü atümung Juda yangditila lipehcho.