NEHEMIA 11 - AMÜSA BAIBEL (BSI)

Jerusalem la Lirü

¹ Langnürü atümung Jerusalem la licho ko müyurüti yola kukhi dhürela kukhi khüdu Amüsa Jerusalem yangdila linung throchehnung zii thsadhingcho ko anyingcho düku tsü yangdi papa la lisohcho.

² Sürünü Jerusalem la linung abürü jangjang throchehcho arüh tsü müyurünü secho.

³ Apa yangditila Israelrü, bebürü, Levirü, amübükuh thsarü ko Solomon dikehrü chahnü trahchochoti tsü arühbürü yangdila arühbürü kuthsi la licho. Hiri hi Juda lih lanü langnürüti Jerusalem la lirüti: Zekaria shümtsurü Uzia tsurü Athaia. Abi jümürüti hiri mii zehcho: Amaria, Shefatia ko Juda tsurü Perez chahnü trahchocho Mahalalel.

Juda hung lanü:

⁵ Koloze shümtsurü Baruk tsurü Maseia. Abi jümürüti hiri mii zehcho: Hazaia, Adaia, Joiarib, ko Juda tsurü Shela chahnü trahchocho Zekaria.

⁶ Perez trah lanü athrungrü nyüh 468 Jerusalem la licho. Joed Shümtsurü Meshulam tsurü Salu. Abi jümürüti hiri mii zehcho: Pedaia, Kolaia, Maseia, Ithiel ko Jeshaia.

Benjamin hung lanü:

⁸ Salu tsutpurü tsatsa Gabai ko Salai. Atümungnü Benjaminrü Jerusalem la nyüh 928 licho.

⁹ Zikri tsurü Joel tsü arüh yola langnürü aziba ko Hasenua tsurü Juda tsü yangdila tsü aziba chitung thsacho. Joiarib tsurü Jedaia ko Jakhin.

Bebürü:

¹¹ Meshulam shümtsurü Hilkia tsurü Seraia. Abi jümürü hiri mii zehcho: Zadok, Meraiot ko Amungthri Bebüba Ahitub.

¹² Hiba hung lanü atümungnü nyüh 822 nü Amübükuh la dikehcho. Pelaliah shümtsurü Jeroham tsurü Adaia. Abi jümürü hiri mii zehcho: Amzi, Zekaria, Pashur, ko Malkija,

¹³ Hiba hung lanü atümungnü nyüh 242 tsutpula athah thsacho. Azai shümtsurü Azarel tsurü Amashai. Abi jümürü hiri mii zehcho: Meshilemot ko Imer.

¹⁴ Hiba hung lanü athrungrü nyüh 128 khiyohla zehcho. Arüh yola langnüba tsü Hagedolim tsurü Zabdiel licho. Azrikam shümtsurü Hashub tsurü Shemaia. Abi jümürü hiri mii zehcho: Hashabia ko Buni.

Levirü:

¹⁶ Shabethai ko Jozabad, anyüh tsü Levirü ko Amübükuh mihlang nguchi dhingyehrü licho.

¹⁷ Asap trah lanü Zabdi shümtsurü Mika tsurü Matania amübükuh la dangkhidangnang anengse jüba khithsarü mülung tsü abinü nücho. Bakbukia tsü Matania arükuba thsacho. Jeduthun trah lanü Galal shümtsurü Shamua tsurü Abda.

¹⁸ Amüsa yangdi Jerusalem la lirü Levirü atümungnü nyüh 284 licho. Akub, Talmon ko arüh tsutpurü atümungnü 172.

Amübükuh Nyahrü:

²⁰ Anyingcho Israelrü, bebürü ko Levirü tsü Juda yangditila arühbürü kuthsi la licho.

²¹ Amübükuh thsarüti tsü Ofel khang chah licho ko Zeha e Gishpa nyühnü dhingyeh nguchicho.

²² Jerusalem la Levirü yola anüchiba tsü Hashabia shümtsurü Bani tsurü Uzi thsacho. Abi jümürü hiri mii zehcho: Asaf hung lanü Matania ko Mika, arüh amübükuh la khi thsaba xükümcho.

²³ Nyümong müthe amübükuh la khi thsaba tsü ahung-ahung mülita nünung yangthsaba chahnü yuzeng licho.

²⁴ Juda tsurü Zera trah lanü Meshezabel tsurü Petahia tsü müyurü atümung khiyu nengdang yangthsaba langbürü thsacho.

Apa Yangditila lirü Müyurüti

²⁵ Nyitsarü adrong arüh luh amünyeh yangditila licho. Judarülü Kiriat Arba, Dibon ko Jekabzel ko hiri yangditi shündhün yangdongtila licho.

²⁶ Arüh yangdi hiri: Jeshua, Molada, Bethpelet,

²⁷ Hazarshual, Beersheba ko hütsü mükang yangdongtila licho.

²⁸ Arüh Ziklag yangdila, Mekona ko yangdongtila,

²⁹ Enrimmon, Zora, Jarmut,

³⁰ Zanoa, Adullam, ko hiri mükang yangdongtila licho. Arüh Lakish ko hütsü shündhün luh la ko Azeka ko hütsü yangdongtila licho. Judarü tsü kihku lahpi Beersheba ko kihjing lahpi Hinnom Ngah kahla licho.

³¹ Benjamin hung tsü Geba, Mikmash, Ai, Bethel ko hütsü shündhün yangdongti,

³² ko Anathot, Nob, Anania,

³³ Hazor, Rama, Gitaim,

³⁴ Hadid, Zeboim, Nebalat,

³⁵ Lod, Ono ko sihthrirü Ngah la licho.

³⁶ Juda lurü la lirü Levirü mülung khürü Benjaminrü yola lisohcho.