MALAKI 4 - AMÜSA BAIBEL (BSI)

Abüdongba Ro Nyümong

¹ Akohba Abüdongba-nü yore, “Amüthsehrü ko amünyirü atümung manying roh-i tahpehnung nyümong tsü role. Hütsü nyümong arüh tahpehnung ko arüh tusü münyingnung.

² Ta nührü I yocho nyirü, nyü kyo Ih akhümcho zii nührü chah chüronung ko nyüjing roh-i akyangba hirojünung. Misü kuh lanü aza lehcheh müthehcho roh-i nührü thsatsa tsanung ko künyangnung.

³ Ihnü nguchi nyümong, nührünü amütsarü kohnung, ko arüh nührü jing pohki asongsong roh-i kangnung.

⁴ “I dikehrü Mosa-nü doba, Israelrü atümung nengdang, Ihnü Sinai khang chah jüba Yuzeng ko amülaba yuzeng lümkehng.

⁵ “Abüdongba nyümong amülah ko adrünung mürode, Ihnü azikehrü Elija nührü yang müthehnung.

⁶ Abinü tpurü ko tsuzarüti nürütanung; müthsakhang Ih ro nührü limih thsangnyangjünung.”