LIPOH 36 - AMÜSA BAIBEL (BSI)

Esau Chahnü Trahchochoti

¹ Hiri hi Esau süte Edom püsü dsicho, abi chahnü trahchocho.

² Esau-nü Kanan-larü hiri khyücho: Hit-rü Elon tsulatpü Ada, ko Hiv-larü Oholibama Anah tsulatpü ko Zibeon shümtsurü.

³ Adesü Ishmael tsulatpü Nebaiot nirü Basemat.

⁴ Ada-nü Elifaz surojücho, Basemat-nü Reuel surojücho,

⁵ ko Oholibama-nü Jeush, Jalam ko Kora nümüsucho. Esau tsurü hiri apüm Kanan lih la nümüsucho.

⁶ Hütsüpü Esau-nü anitpürüti, atsurüti, atsularüti ko abi kuh la lirü atümung, kanglungrü ko Kanan lih la khyübülungcho kuthsi apüm hipü ani Jakob tenü za limih palang tsicho.

⁷ Anyüh liba limih la tsü anyüh müthangcho, tunüo anyüh kanglungrü drongra kangcho ko hütsü khu anyüh müjang linung mükohcho.

⁸ Hütsünü Esau-nü wü azonglih Edom la licho.

⁹ Hiri hi Edomrü jümürü Esau chahnü trahchochoti:

¹⁰ Esau nitpü Ada chahnü adhrerü khüdu Elifaz licho ko Elifaz chahnü atsurü münga licho:

¹¹ Teman, Omar, Zefo, Gatam ko Kenaz.

¹² Ko anitpü apa khüdu Timna chahnü adhrerü khüdu Amalek licho.

¹³ Esau nitpü Basemat-nü Reuel nümüsujücho, ko Reuel chahnü atsurü müyü licho: Nahat, Zera, Shama, ko Mizza.

¹⁴ Esau nitpü Oholibama, Zibeon tsurü Anah tsulatpünü azarü asang nümüsujücho: Jeush, Jalam ko Kora.

¹⁵ Hiri hung hi Esau chahnü trahchocho. Esau tsurü aukhuba Elifaz tsü hung hiri jümürü kangcho: Teman, Omar, Zefo, Kenaz,

¹⁶ Kora, Gatam ko Amalek. Hiri apüm Esau nitpü Ada chahnü trahchocho.

¹⁷ Esau tsurü Reuel tsü hung hiri jümürü kangcho: Nahat, Zera, Shama, ko Mizza. Hiri apüm Esau nitpü Basemat chahnü trahchocho.

¹⁸ Hung hiri Esau nitpü Anah tsulatpü Oholibama chahnü trahchocho: Jeush, Jalam ko Kora.

¹⁹ Hung hiri apüm Esau chahnü trahchocho.

Seir Chahnü Trahchochoti

^20-21 Edom la alih abüdongrü tsü ahung-ahung changnahcho ko hiri tsü Hor-rü, Seir chahnü trahchochoti: Lotan, Shobal, Zibeon, Anah, Dishon, Ezer, ko Dishan.

²² Lotan tsü Hori ko Heman-rü tsutpu jümürü. (Lotan ani khingkurü Timna licho.)

²³ Shobal tsü Alvan, Manahat, Ebal, Shefo ko Onam-rü tsutpu jümürü.

²⁴ Zibeon tsurü adhrerü anyüh licho, Aiah ko Ana. (Ana hinü au gadu nyah rachide lipilih la kihdhsa kihna nguchehcho.)

^25-26 Ana tsü Dishon au ko abi tsü Hemdan, Eshban, Ithran ko Cheranrü tsutpu jümürü licho. Ana tsurü yola khingkurü khüdu Oholibama licho.

²⁷ Ezer tsü Bilhan, Zavan ko Akan-rü tsutpu jümürü licho.

²⁸ Dishan tsü Uz ko Aran-rü tsutpu jümürü licho.

^29-30 Hiri hi Edom la Hor hung licho: Lotan, Shobal, Zibeon, Ana, Dishon, Ezer ko Dishan.

Edom la Yangthsarüti

^31-39 Israel la yangthsarü süsü müchürode, Edom la yangthsarü hirinü mülita yangthsa rocho: Dinhaba lanü Beor tsurü Bela Bozra lanü Zera tsurü Jobab Teman lih lanü Husham Avith lanü Bedad tsurü Hadad (abinü Moab la khatade Midian-rü kohcho) Masreka lanü Samla Eufrates yongkhi shündhün Rehoboth lanü Shaul, Akbor tsurü Baal Hanan, Pau lanü Hadad (anitpü tsü Mehetabel, Matred tsulatpü ko Mezahab shümtsurü)

^40-43 Esau tsü Edomrü hiri jümürü thsacho: Timna, Alvan, Jethet, Oholibama, Elah, Pinon, Kenaz, Teman, Mibzar, Magdiel ko Iram. Hiri hung papa licho müdüm tsü arüh hung nengnü dsicho.