KHIDHINGCHO 29 - AMÜSA BAIBEL (BSI)

Kangsi Thsüti Mübü

¹ Choo dhünyehla akhudiba nyümong tsü nührünü mübünung shibülung ko tu tünguchi. Hütsü nyümong rühti mehnung.

² Axümlichi tsünü Abüdongba künyangsohnung trüp mübü mübüng: misüpung aza khüdu, mizapung khüdu ko kang khüdu za sanpung dhünyeh lapha mükehcho hirung.

³ Tsang mübü olive tuji la müxühcho hüm: misüpung la tsü süreh asang, mizapung la tsü süreh anyüh

⁴ ko san müipila tsü süreh khüdu-khüdu.

⁵ Adesü mizapung khüdu münyi mübü mübüng ko hütsüta müyurü ayah müsachehba nguching.

⁶ Hiri amübü tsü lede choo la akhudiba nyümong tsang mübü ko trüp mübü tsang ko yongkha zeh mübüba chah alaa lahkeh linung. Hiri tsang mübü axümlichi tsünü Abüdongba künyangsohre.

Ritsa Nyümong Amübü

⁷ Choo dhünyehla adhüreu nyümong tsü mübünung shibülung; tu tütsu ko tu tünguchi.

⁸ Axümlichi tsünü Abüdongba künyangsohnung, Abi khyang trüp mübü jüng: misüpung aza khüdu, mizapung khüdu, ko lapha mükeh kang khüdu za san dhünyeh.

⁹ Tsang mübü olive tuji la müxühcho hüm: misüpung la tsü hüm süreh asang, mizapung la tsü süreh anyüh,

¹⁰ ko san müipila tsü süreh khüdu-khüdu.

¹¹ Adesü mizapung khüdu münyi mübüthsa müyurü ayah müsachehba nengdang miza amübü ko nyümong mükhu tsang mübü ko yongkha mübü chah tsü lahkeh mübüng.

Tsikehchah Thsüti Amübü

¹² Choo dhünyehla dhüremüngau nyümong tsü mübünung shibülung. Hiba thsüti hi Abüdongba nengla nyümong dhünyeh tu münguchipü thsüti mung.

¹³ Hiba akhudiba nyümongla axümlichi tsünü Abüdongba künyangsohnung tsang mübü mübüng: misü bongtho dhüreasang, mizapung anyüh ko lapha mükeh kang khüdu za san dhüremüyü.

¹⁴ Tsang mübü olive tuji la müxühpü hüm: misüpung müipi hüm süreh asang, mizapung müipi süreh anyüh,

¹⁵ ko yongkha mübüte san müipila süreh khüdu-khüdu.

¹⁶ Adesü miza khüdu münyi mübü nengdang mübüng. Hiri hi trüp mübü, tsang mübü ko yongkha mübü chah alahkeh linung.

¹⁷ Anyüu nyümong tsü, lapha mükehcho misü bongtho dhüreanyüh mizapung anyüh ko kang khüdu za sanpung dhüremüyü hiro mübüng.

^18-19 Hütsüri apüm te akhudiba nyümongla khyüba apüm zehsohng.

²⁰ Asangu nyümong, lapha mükeh misü bongtho dhürekheh, mizapung anyüh ko kang khüdu za sanpung dhüremüyü hiro mübüng.

^21-22 Hütsüri apüm te akhudiba nyümongla khyüba apüm zehsohng.

²³ Amüyüu nyümong, lapha mükeh misüpung dhüre, mizapung anyüh ko kang khüdu za sanpung dhüremüyü hiro mübüng.

^24-25 Hütsüri apüm te akhudiba nyümongla khyüba apüm zehsohng.

²⁶ Amüngau nyümong tsü, lapha mükeh misü bongtho düku, mizapung anyüh ko kang khüdu za sanpung dhüremüyü hiro mübüng.

^27-28 Hütsüri apüm te akhudiba nyümongla khyüba apüm zehsohng.

²⁹ Adhüroh-u nyümong, lapha mükeh misü bongtho keh, mizapung anyüh ko kang khüdu za sanpung dhüremüyü hiro mübüng.

^30-31 Hütsüri apüm te akhudiba nyümongla khyücho apüm zehsohng.

³² Adhünyeh-u nyümong tsü, misü bongtho dhünyeh, mizapung anyüh ko lapha mükeh kang khüdu za sanpung dhüremüyü hiro mübüng.

^33-34 Hütsüri apüm te akhudiba nyümongla khyüba apüm zehsohng.

³⁵ Akeh-u nyümong tsü, nührünü mübünung shibülung ko tu tünguchi.

³⁶ Axümlichi tsünü Abüdongba künyangsohnung tsang mübü jüng: misü bongtho khüdu, mizapung khüdu, ko lapha mükeh kang khüdu za san dhünyeh hirung.

^37-38 Hütsüri apüm te akhudiba nyümongla khyüba apüm zehsohng.

³⁹ Hiri yuzeng hi nührünü Abüdongba te athrochehcho Thsütila trüp mübü, tsang mübü, yongkha mübü ko akehta mübü hirila bichinungba lile. Hiri hi yuchüm tikehcho mahkhang amüküp mübü jüba chah alahkeh linung.

⁴⁰ Achotsü Mosa-nü Israelrü te Abüdongba-nü abi te tu mülacho hütsüri lüpcho yocho.