JOSHUA 19 - AMÜSA BAIBEL (BSI)

Simeon khyang jücho Lih

¹ Anyüuba nohlüm tsü Simeon hung ko tsutpu nengdang thsacho. Arüh lih tsü Juda khyang jüba lih te lurücho.

² Arüh lih la tsü Bersheba, Sheba, Molada,

³ Hazar Shual, Bala, Ezem,

⁴ Eltolad, Bethul, Horma,

⁵ Ziklag, Beth Markaboth, Hazar Susa,

⁶ Beth Lebaot ko Sharuhen: arüh mükang yangditi yohpü yangdi dhüreasang thsacho.

⁷ Adesü Ain, Rimon, Ether ko Ashan: arüh mükang yangditi yohpü yangdi müyü.

⁸ Hütsü yangditi mükang yangdi nyüzüdu lahpi Balath Beer (mahkhang Rama) chii wü yohrütachoba lile. Simeon hung ko tsutpunü ngucho alih tsü hütsü thsacho.

⁹ Judarü khyang jüba lih tsü dirachonü, hütsülanü khürü rühcho Simeon hung khyang jücho.

Zebulun Khyang Jücho Lih

¹⁰ Asanguba nohlüm tsü Zebulun hung ko tsutpu nengdang thsacho. Arüh khyang jüba lih tsü Sarid chii wü licho.

¹¹ Hütsülanü lurü tsü nyüzüdulang Mareal lang Dabbesheth ko Jokneam nyüchürolang yongkhi thahpo licho.

¹² Sarid khüulang tsü nyüchürolang Kislot Tabor lurü chihcho, hütsülanü Daberath ko Jafia chihcho.

¹³ Hütsülanü mütozah nyüchürolang Gath Hefer ko Ethkazin lang, ko Rimon lang lanü ximüla Neah lahpi wücho.

¹⁴ Kihku lahpi lurü tsü Hannathon lang ximülacho ko Iftahel Ngah la changkacho.

¹⁵ Hütsüla Kathat, Nahalal, Shimron, Idala ko Bethlehem zehcho: arüh mükang yangditi yohrüta yangdi dhüreanyüh thsacho.

¹⁶ Hiri yang ko yangditi tsü Zebulun hung ko tsutpu khyang jücho lih la zehcho.

Isakar Khyang Jücho Lih

¹⁷ Amüyüuba nohlüm tsü Isakar hung ko tsutpu nengdang thsacho.

¹⁸ Hütsüla Jezrel, Kesuloth, Shunem,

¹⁹ Hafraim, Shion, Anaharat,

²⁰ Rabith, Kishion, Ebez,

²¹ Remet, Enkanim, Enhadda ko Bethpazez zehcho.

²² Luhrü tsünü Tabor, Shahazuma ko Beth Shemesh chii ropü Jordan la changkacho. Arüh mükang yangditi yohpü yangdi dhüredhüroh licho.

²³ Hiri yang ko yangdi tsü Zubulun hung ko tsutpu khyang jücho lih la zehcho.

Asher Khyang Jücho Lih

²⁴ Amüngau nohlüm tsü Asher hung ko tsutpu nengdang thsacho.

²⁵ Hütsüla Helkath, Hali Beten ko Akshaf,

²⁶ Allam Melek, Amad ko Mishal zehcho. Nyüzüdulang Karmel ko Shihor Libnath thahpücho.

²⁷ Nyüchürolang ximülade, lurü tsünü Bethdagon lang Zebulun ko Iftahel thapo kihku lahpi Bethemek ko Neiel chii licho.

²⁸ Hütsü kihku lahpi Kapul Ebron, Rehob, Hamon, Kana ko Sidon chii wü licho.

²⁹ Hütsülanü lurü tsü Rama lang ximülanü atbüticho Tyre yangdi chii; Hosa lang ximülapü Mediteranean Kihdi la changkacho.

³⁰ Hütsüla Mahalab, Akzib, Uma, Afek ko Rehob: arüh mükang yangditi yohpü yangdi mükyüpü anyüh.

³¹ Hiri yang ko yangditi tsü Zebulun hung ko tsutpu khyang jücho lih la zehcho.

Naftali khyang jücho Lih

³² Adhüroh-uba nohlüm tsü Naftali hung ko tsutpu nengdang thsacho.

³³ Luhrü tsü Helef lanü langsing yaba Zananim ko Adaminekeb ko Jamnia Lakkum chii jowüko Jordan la changkacho.

³⁴ Hütsülanü lurü tsü Aznoth Tabor nyüzüdulang ximülacho, hütsülanü kihjing lahpi Zubulun thahpo nyüzüdulang Asher, ko nyüchüro Jordan lahpi chii zürocho.

³⁵ Atbüticho yangditi tsü: Zidim, Zer, Hamath, Rakath, Kinereth,

³⁶ Adama, Rama, Hazor,

³⁷ Kedesh, Edrei, Enhazor,

³⁸ Yiron, Migdalel, Horem Bethanath ko Beth Shemesh: arüh mükang yangdidi yohrüta dhüredükuh thsacho.

³⁹ Hiri yang ko yangditi tsü Naftali hung ko tsutpu khyang jücho lih la zehcho.

Dan khyang jücho Lih

⁴⁰ Athünyeu nohlüm tsü Dan hung ko tsutpu nengdang thsacho.

⁴¹ Hütsüla Zora, Eshtaol, Irshemesh.

⁴² Shalbim, Aijalon, Ithla,

⁴³ Elon, Timna, Ekron,

⁴⁴ Elteke, Gibethon, Balath,

⁴⁵ Jehud, Beneberak, Gathrimon,

⁴⁶ Mejarkon ko Rakon ko Joppa lih mükang mii zehcho.

⁴⁷ Khode Danrü lih changcho, arühnü wü Laish mahcho. Arühnü hütsü mahchehcho ko arüh nyitsarüti kyüsehkhangpü arühnü khyücho. Arühnü hütsüla lipehcho ko yangdi neng Laish tsü arüh jümürü Dan nengla Dan pü dsicho.

⁴⁸ Hiri yang ko yangditi tsü Dan hung ko tsutpu khyang jücho lih la zehcho.

Alih Achangkathsa Jücho

⁴⁹ Khode Israelrünü alih tsü changtakhangcho, arühnü Nun tsurü Joshua khyangsü abi linung alih nohlüm khüdu jücho.

⁵⁰ Abüdongba-nü mülacho kyo arühnü abi khyang abinü chingcho kyo Efraim azong lih la Timnath Sera yangdi hi jücho. Abinü yangdi tsü külüpchipü hütsüla licho.

⁵¹ Israel hung ko tsutputi yola alih hi changtanung, bebürü Eleazar, Nun tsurü Joshua ko Israel azirütinü Shiloh la Abüdongba liba Shükuh la züduba trahtri la Abüdongba te zii thsadhing nguchicho. Hütsüta arühnü alih tsü changtacho.