JOSHUA 16 - AMÜSA BAIBEL (BSI)

Efraim ko Manase Khyang Jücho Lih

¹ Josef trah khyang khasah jüba alih kihjing lahpi lurü tsü Jeriko amünyeh Jordan lanü dikeh Jeriko yongkhi nyüchürolang lahpinü lipilih chii licho. Hütsü Jeriko lanü dikeh küdu akhang lih Bethel chii licho.

² Bethel lanü Arkit-rü liba Ataroth khu wünü Luz chihcho.

³ Hütsü lanü ajinglang Beth Horon chii nyüzüdulang Jaflet-rü chihcho. Hütsülanü Gezer chihcho ko Mediteranean kihdi la changkacho.

⁴ Josef trah, Efraim hung ko nyüzüdulang Manase alih hi ngucho.

Efraim

⁵ Efraim tsutpu lurü tsü hi licho: arüh lurü tsü nyüchüro lahpi Ataroth Addar lanü dikeh Athahlang Beth Horon,

⁶ ko hütsülanü Mediteranean Kihdi chihcho. Mikmethath tsü kihku lahpi licho. Nyüchürolang lurü tsü Tannath Shiloh lang jowü Janoa nyüchüro langthring jowü licho.

⁷ Hütsüpü Janoa lanü Ataroth ko Nara jowü Jeriko chii ko Jordan la changkacho.

⁸ Luhrü tsü nyüzüdulang Tapua lanü Kana yongkhi chii ko Mediteranean kihdi la changkacho. Alih hi Efraim hung tsutpu khyang,

⁹ Manase lurü tashila zehba yangdi ko yangti khürü zeh jüchoba lile.

¹⁰ Ta arühnü Gezer la liba Kanan-rü tsü mükoh iipehcho, hütsünü chünye yingcheh Efraimrü yola Kanan-rüsü lire, ta arüh tsü ayurüthsa khing nguchisohre.