JOSHUA 15 - AMÜSA BAIBEL (BSI)

Juda Khyang Jücho Lih

¹ Juda hung tsutpu khyang changnah jücho alih hiroh-i: Kihjinglang Edom lurü te Zin akungaselih chii licho.

² Hiba kihjinglang lurü tsü kihjinglang Asü Kihdi achangka lanü dikeh

³ kihjinglang lahpi pii liba Akrabbim lanü Zin chii licho. Ko kihjing Kadesh Barnea lanü Hezron khu Adar chii, Karka lang ximüla

⁴ Azmon lang Ijip lurü la yongkhi tsü iijüropü lurü achangka tsü Mediteranean kihdi thsacho. Hütsü kihjinglang Judarü lurü.

⁵ Nyüchürolang lurü tsü Asü Kihdi lanü tuwü Jordan yongkhi pohyoh tsü chii licho. Kihku lahpi lurü tsü hütsülanü dikehpü,

⁶ Beth Hogla chii ko kihku lahpi Jordan ngah dhingyohchüba müzing tashi linung. Hütsü lanü tuwü Bohan Lung chii (Bohan tsü Reuben tsurü),

⁷ Dhsangthsi Ngah lanü Debir chii, hütsülanü ximüla angah kihku lahpilang Adumim tuwüba dhing Gilgal lahpi kihjinglang chii lile. Hütsü lanü Enshemesh kihna khu wü Enrogel,

⁸ ko Jebus-rü yangdiba Jerusalem liba kihjinglangthring Hinnom Ngah khu wü licho. Luhrü tsü hütsülanü tuwü Hinnom Ngah achangka nyüzüdulang akhang amüjoh lanü kihku lang Refaim Ngah chii licho.

⁹ Hütsülanü Neftoa yongkhi chii ko Efron Zong shündhün liba yangditi chii licho.

¹⁰ Hütsü lanü Baalah lang ximüla (mahkhang Kiriat Jearim), Seir azong limih lahpi Baalah nyüzüdu lahpi mükangti licho. Hütsü lanü Jearim zong (mahkhang Kesalon) kihku lahpi chihko Timna khu jowü Beth-Shemesh chii licho.

¹¹ Luhrü tsü hütsülanü wü Ekron kihku lahpi akhang chii ko hütsülanü ximüla Baalah zong khu Shikheron lahpi ximüla, Jamnia chii licho.

¹² Nyüzüdulang lurü tsü Mediteranean kihdi la changkacho. Luhrü hi pohki Judarü tsutpu licho.

Kaleb-nü Hebron ko Debir mahchehcho

¹³ Abüdongba-nü Joshua te mülacho kyo, Juda lih nohlüm khüdu Juda hung lanü Jefune tsurü Kaleb khyang jücho. Abinü Anak au Arba yo Hebron yangdi ngucho.

¹⁴ Kaleb-nü Anak trah Sheshai, Ahiman ko Talmai tsutpu yangdi lanü iipehcho.

¹⁵ Hütsülanü abinü Debir la lirü mahnung wücho. (Hiba yangdi te Kiriat Sefer-sü dsicho.)

¹⁶ Kaleb-nü yocho, “Kiriat Sefer sünü mahchehnang Ihnü I tsulatpü Aksah te kukangsohnung.”

¹⁷ Kaleb ani Kenaz tsurü Othniel-nü yangdi tsü mahchehcho, achotsü Kaleb-nü atsulatpü Aksah khyüsohcho.

¹⁸ Kukang nyümong Othniel-nü abükyü te luh khüdu au te chingnung thsüchicho. Abükyünü, Gadu chahnü jürode Kaleb-nü tu khyünyüro pü tsingdhingcho.

¹⁹ Abükyünü yocho, “Kihkong khürü khyünyüre. Tunüo nühnü jüba lih tsü akung lile.” Achotsü Kaleb-nü abükyü khyang amunglang ko ajinglang kihkong tsü jücho.

Juda la Yangditi

²⁰ Juda hungnü arüh kukhi aichi ngucho alih tsü hi:

²¹ Kihku lahpi ashu-uba chii wü liba yangdi tsü arüh yo licho, Edom lurü shündhün liba yangditi tsü: Kabzeel Eder, Jagur,

²² Kinah, Dimonah, Adada,

²³ Kedesh, Hazor, Ithnan,

²⁴ Zif, Telem, Bealoth,

²⁵ Hazor, Hadatta, Kerioth Hezron (mahkhang Hazor),

²⁶ Amam, Shema, Molada,

²⁷ Hazar Gadda, Heshmon, Bethpelet,

²⁸ Hazar Shual, Bersheba, Beziothia,

²⁹ Baalah Iim, Ezem,

³⁰ Eltolad, Chesil, Horma,

³¹ Ziklag, Madmana, Sansana,

³² Lebaot, Shilhim, Ain ko Rimon: arüh mükang yangditi yohpü yangdi mükyüpü düku licho.

³³ Azong jingdümpi liba yangditi tsü: Eshtaol, Zora, Ashna,

³⁴ Zanoa, Enganim, Tapua, Enam,

³⁵ Jarmut, Adullam, Soko, Azeka,

³⁶ Sharaim, Adithaim, Gedera ko Gederothaim: arüh mükang yangditi yohpü yangdi dhüremüyü licho.

³⁷ Adesü Zenan, Hadasha, Migdalgad,

³⁸ Dilean, Mezpa, Jokthel,

³⁹ Lakish, Bozkath, Eglon,

⁴⁰ Kabon, Lamam, Chitlish,

⁴¹ Gederot, Bethdagon, Nama ko Makeda: arüh mükang yangditi yohpü yangdi dhüredhüroh licho.

⁴² Adesü Libna, Ether, Ashan,

⁴³ Ifta, Ashna, Nezib

⁴⁴ Keila, Akzib ko Maresha: arüh mükang yangditi yohpü yangdi düku licho.

⁴⁵ Ekron, abi yangdi ko yang zeh,

⁴⁶ ko Ashdod shündhün Ekron lanü Mediteranean kihdi chii liba yangdidi ko yangdi zeh licho.

⁴⁷ Ashdod ko Gaza, arüh yangditi ko yangti Ijip lurü la yongkhi chii ko Mediteranean Kihdi bekhüm chii licho.

⁴⁸ Azong lih la, Shamir, Jatir, Soko,

⁴⁹ Danna, Kiriat Sefer (mahkhang Debir),

⁵⁰ Anab, Eshtemoa, Anim,

⁵¹ Goshen, Holon ko Gilo: arüh mükang yangditi yohpü yangdi dhürekheh licho.

⁵² Hütsüla Arab, Duma, Eshan,

⁵³ Janim, Beth Tapua, Afeka,

⁵⁴ Humta, Hebron ko Zior: mükangmüshü liba apüm yohrüta yangdidi düku licho.

⁵⁵ Adesü Maon, Karmel, Zif, Jutta,

⁵⁶ Jezrel, Jokdeam, Zanoa,

⁵⁷ Kain, Gibea, ko Timna: arüh mükang yangditi yohpü yangdi dhüre licho.

⁵⁸ Adesü Halhul, Bethzur, Gedor,

⁵⁹ Maarath, Bethanoth ko Eltekon: arüh mükang yangditi yohpü yangdidi dhüroh licho.

⁶⁰ Kiriat Baal (mahkhang Kiriat Jearim) ko Raba: apüm yohrüta yangdidi anyüh licho.

⁶¹ Lipilih la tsü Araba, Middin, Sekaka,

⁶² Mih yangdi Nibshan ko Engedi: apüm yohrüta yangdidi dhüroh licho.

⁶³ Ta Judarünü Jerusalem la lirü Jebus-rü tsü mükoh iipehcho. Ade yingcheh Jebus-rü tsü Judarü yola lile.