JOSHUA 12 - AMÜSA BAIBEL (BSI)

Mosa-nü Kohchehcho Yangthsarüti

¹ Israelrünü Jordan nyüchürolang Arnon Ngah lanü Jordan Ngah ko kihku lang Hermon Zong chii mahcheh khyücho.

² Arühnü yangthsarü anyüh kohchehcho. Khüdu Heshbon la yangthsaba Amor-rü yangthsarü Sihon. Abi yanglih la tsü Gilead achangsho: Aroer (Arnon ngah müdsuo lang) ko Amon lurü la Jabbok Yongkhi chii hütsüba ngah la yangdi tsü chiinü licho;

³ Hütsüla Jordan Ngah kihjing lahpi Galil Kihdi lanü Beth Jeshimoth (Asü kihdi nyüchürolang) ko Pisga Zong jingdümpi lahpi liba tsü chii zehcho.

⁴ Bashan yangthsaba Og, sü, Refaim-rü achangka yangthsaba licho, abisü arühnü kohchecho; abinü Ashtarot ko Edrei la yangthsacho.

⁵ Abi yanglih la tsü Hermon Zong, Saleka ko Bashan apüm Geshur ko Maka lurü chii Gilead changsho ko Heshbon la yangthsaba Sihon yanglih chii zehcho.

⁶ Yangthsarü anyüh hi Mosa-nü kohchehcho. Abüdongba dikehrü Mosa-nü arüh lih tsü Reuben ko Gad hung khyang ko Manase hung changsho khyang arüh yo thsanung jücho.

Joshua-nü Kohchehcho Yangthsarüti

⁷ Joshua ko Israelrünü Jordan nyüzüdulang lurü la liba Lebanon ngah lanü kihjing lahpi Edom shündhün Halak Zong chii yangthsarüti apüm kohchehcho. Joshua-nü hiba lih hi ahung-ahung khyang arühtoh arüh yo kangnung changta jücho.

⁸ Hiba nohlüm la azong lih, nyüzüdulang azong jingdümpi, Jordan Ngah ko hütsü jingdümpi, nyüchürolang alesha ko kihjing lahpi akung lih hiri apüm zehcho. Hiba lih hi Hit-rü, Amor-rü, Kanan-rü, Berizrü, Hiv-rü ko Jebus-rü yo thsacho.

⁹ Israelrünü yangditi hiri yangthsarü kohchehcho: Jeriko, Ai (Bethel amünyeh),

¹⁰ Jerusalem, Hebron,

¹¹ Jarmut, Lakish,

¹² Eglon, Gezer,

¹³ Debir, Geder,

¹⁴ Horma, Arad,

¹⁵ Libna, Adullam,

¹⁶ Makeda, Bethel,

¹⁷ Tapua, Hefer,

¹⁸ Afek, Lasharon,

¹⁹ Madon, Hazor,

²⁰ Shimron Meron, Akshaf,

²¹ Tanak, Megido,

²² Kedesh, Jokneam (Karmel la)

²³ Dor (kihbekhüm la), Goiim (Galil la),

²⁴ ko Tirza atümungnü yangthsarü sangrepü-kheh.