JOB 35 - AMÜSA BAIBEL (BSI)

^1-2 Job, Tsingrangba jingte nüh achomükeh pü yoba,

³ mahkhang Tsingrangba te, “I münyinü nüh tu dhsangthsijüro? Amünyi müshitpahchonü Ih tu jingchoro” pü yoba tsü athsalang mah.

⁴ Ihnü nüh ko nü shangrüti yu lalingnung.

⁵ Ningchah dhing! Nyükhi tsü khütoi dhsengla liro!

⁶ Nühnü münyi shitpahchonü Tsingrangba müdhsakehre. Nühnü adrongpi amüthsalang nguchichonü Abi longmüzirü do?

⁷ Nüh müsa lichonü Tsingrangba trorü do? Nü chahnü Tsingrangba-nü tu müdhsütah.

⁸ Nü münyinü nü jünirü du chongchare, ko nühnü atsa nguchichonü abi rükure.

⁹ Khode nyitsarü sehchinang, arühnü rühchire; khürü te arüh khümchoung pü züdere.

¹⁰ Ta arühnü arüh thribong Tsingrangba, sünü arüh chongchala alongdi jüro, Abi yang müximülare.

¹¹ Tsingrangba sünü kanglungrü ko uza tenü alümzeh-u kangsohro, Abi yang arühnü müximülare.

¹² Arühnü züdere, ta Tsingrangba-nü mülalingre, tunüo arüh amüthseh ko nyitsarü amütsa.

¹³ Arüh nengdang züdenung tsü amii mühle; Akohbong Tsingrangba-nü arüh müngure mahkhang arüh yu münyire.

¹⁴ Job, nühnü Tsingrangba ngunung mükoh pü yore; rangcho ying, nü khiyu tsü Abi kheh la lile.

¹⁵ Tsingrangba-nü amünyi khyang müci müjüre ko mükhingchirepü nühnü lümre.

¹⁶ Nüh chodu chonung müdhsütah; nühnü choba tsü nüpunü mümüdhe.