JOB 18 - AMÜSA BAIBEL (BSI)

Bildad

^1-2 Job, nühnü yah-a mülichehnung ang? Nühnü nyinung zahlang, ihrünü nüte chotanung.

³ Ihrü kanglungrü kyo adohrü roh-i nühnü khüta lümro?

⁴ Nü zichüroba tsü nüpu du dhsakehre. Nü zichürocho ngang alimih pehjünung do? Nüh longnyüpsohnung Tsingrangba-nü azong tsü dhimüinung do?

⁵ Amütsarü dsi mehnung, hütsü khodesü thali mütahkehnung.

⁶ Shukuh la abi avisa tsü mapehnung.

⁷ Abi phaqu drengdreng licho, ta ade abi müthikehre; apu rahla apu khülure.

⁸ Abinü zenglang würe, ko ajing xohre;

⁹ zeng tsünü athsühza lanü xohre.

¹⁰ Alih la tsü rangnü uza thsapüjüle; abi langla zeng khüdu khyangpüjüle.

¹¹ Abi mükang adrünungnü yingre; hütsünü abi mütrah müipi iire.

¹² Abi alirü thsacho, ta ade kongsehre; achangbanü abi lichah yingre.

¹³ Asüba madhsanü afü tsütiko ko ajingkhehrü sühtsangre.

¹⁴ Abi liba shükuh lanü abi tphahchehpehnung, ko yangthsaba asüba yang tphah wünung.

¹⁵ Ade abi shükuh la tsü masünü linung kohle müxahtanung moi yohpü khanglang.

¹⁶ Abi ara ko ajengzati mükuko ko kungpehko.

¹⁷ Abi nengse apümlang changkako; adelü sünüsü mülümchehre.

¹⁸ Akang lirü lih lanü abi iipehnung, atsingse lanü iipehnung.

¹⁹ Abi chahnü trahchocho mühle, abinü pehjü tsirü süsü mühle.

²⁰ Nyüchüronü nyüzüdu chii, abi suro yuchirü apüm nehre ko adrüchonü dhridhrire.

²¹ Hütsü münyi nyitsarü müngu, Tsingrangba mükhichirü müngu.