JEREMIA 47 - AMÜSA BAIBEL (BSI)

Filistia Nengdang Yusi

¹ Ijip yangthsabanü Gaza mümah-ede, Abüdongba-nü Filistia nengdang Ite chotacho.

² Abinü yocho: “Dhing! Kihku langnü kih dii role ko kihmülüm yongkhi kyo poh jüronung. Arühnü alimih ko hütsüla liba apüm, yangditi ko nyitsarü apüm tingtinung. Nyitsarünü arüku ching züdenung; limih la lirü apümnü dee tranung.

³ Arühnü kuri müphanü tsohcho, kuri akhüluba tsehcho, ko ajing khülucho yuchinung. Autinü atsurüti nengdang müximülanung; arüh kheh yeichi linung.

⁴ Filistia changnung becho chihko, Tyre ko Sidon chahnü nguba arüku apüm yatipehnung. Ihnü Filistinrü changjünung, Krete kihbekhüm lanü rorüh apüm.

⁵ Gaza-rü yang alongri amülah roko, ko Ashkelon-rü sahmüthsa lile. Amütrüh Filistinrü, khütoi nyahli me tranung?

⁶ Züdeing, ‘Abüdongba Nohsheng! Khütoi nyahli shühtpheh linung? Nohtrüp la yohng, hütsüla kyahshang lieng!’

⁷ Ta hütsü khüta kyahshangnung, Ihnü abi khyang nguchi jüpü likhang? Ihnü Ashkelon ko kihjüp lirü mahnung yuzeng jüko.”