ISAYA 4 - AMÜSA BAIBEL (BSI)

¹ Hütsüba nyümong rode, khingkurü dhünyehnü adhrerü khüdu chah tphahyehpü yonung, “Ihrünü ihrü jangjang kangnung ko jengki khyünung, ta ihrü kumüthrirüepü ashah mükhyünung nengdang, nüh tsü ihrü aniiepü yosohng.”

Jerusalem Külüpchinung

² Abüdongba-nü alih la singdonglidong apüm khyang adhingtang ko amülah zisohnung becho chihle. Nying lirü Israelrü atümungnü alihnü tsahma chürosohchola künyangnung.

³ Tsingrangba-nü throchehba Jerusalem la nying lirü atümung te amüsa pü dsinung.

⁴ Abüdongba-nü abi tase yucho yukhanung ko Jerusalem mülang ko hütsüla threhba ashüh thsütoh pehjünung.

⁵ Hütsüpü Zion Zong chah ko hütsüla shibülung lirü yang Abüdongba-nü anyümong nyükhi ko aromang mikhu ko michang müthehnung. Tsingrangba ahechinü yangdi apüm hetinung ko tsungtinung.

⁶ Abi ahechinü anyümong adhsa lanü yangdi tsü khümkisohnung ko tsing ko tsingxinyübongla tsikeh akhümcho müdüm khüdu kangsohnung.