ISAYA 20 - AMÜSA BAIBEL (BSI)

Tbhüdeng Azikehrü Adüzü

¹ Assyria yangthsaba Sargon yuzeng la, Assyria rothsarü anüchibanü Ashdod yangdi Filistin mahcho.

² Kang asang bekhu Amoz tsurü Isaya te Abüdongba-nü abi jingthri ko müyahshü khyücheh pehnung yocho. Abinü yochonyi tbhüdeng ko jingshüh rachicho.

³ Khode Ashdod tsü mahchehcho, Abüdongba-nü yocho, “I dikehrü Isaya-nü atbhüdeng ko jingshühnü kang asang rachicho. Hi Ijip ko Ethiopia chah tikehnung amüdhethsa licho.

⁴ Assyria yangthsabanü hütsüri yangdi anyüh lanü kohchehrüti tsü arangyohrü kang tbhüdeng notsinung. Azarü ko azirü apüm, tbhüdeng ko jingshühnü thse mülüptipü Ijip chah ashah hirojo tsehsohnung.

⁵ Sürünü Ethiopia chah dümpipü Ijip khyanglang kükhingcho, arüh nyetüpehnung, ko arüh alongdi mülinung.

⁶ Hütsüba nyümong rode, Filistia kihjüp lirütinü yonung, ‘Assyria yangthsaba chahnü ihrü tsungtisohnung dümpibasü tu kangcho! Ihrü khüta akang linung?’”