ISAYA 12 - AMÜSA BAIBEL (BSI)

Nengse Jüba Khi

¹ Müyurünü khi thsanung nyümong khüdu tsehle, “Ihnü Nüh sere, Abüdongba! Nüh Ite zichüro licho, ta adelü Nü zii müchüro ko Nühnü Ih tbachijüre.

² Tsingrangba I khümchorü; Ihnü Abi chah longlangnung ko Ih müdrünung. Abüdongba-nü zii ko tase jüre; Abi I khümchorü.

³ Axorü khyang kih amüsengnü xodhrümsohcho kyo, Tsingrangba-nü arüh khümchode müyurünü künyangtare.”

⁴ Müyurünü khi thsanung nyümong khüdu tsehle, “Abüdongba khyang nengse jüng! Nü tronung Abi dsieng! Abinü nguchicho limih te züdeing! Abi neng dicho young!

⁵ Abüdongba seing, Abi nguchi arangcheh nengdang. Yusi tsü lihküp khyang yuchisohng.

⁶ Zion la lirü apüm züdesohng, ko khi thsasohng! Israel Amüsa Tsingrang tsü arangcheh, ko Abi müyurü yola lire.”