HOSEA 3 - AMÜSA BAIBEL (BSI)

Hosea ko Longmülangcheh Khingkutpü

¹ Abüdongba-nü Ite yocho, “Thali wüng ko bürü te nahtrahnaxeng rachiba khingkutpü te müitaang. Israelrünü apa tsingrang yang ximüla shükusih akungcho bipü kyothri mübünye Ihnü ade yingcheh müicho kyo, nühnü abükyü müing.”

² Hütsünü Ihnü abükyü lihchehnung taripi dhüremünga ko lüdi süreh 150 jücho.

³ Nahtrahnaxeng mahkhang mabomashi müthsapü anyahli Ih ying pü Ihnü abükyü te yoko, ko hütsüba bekhyah tsü Ihnü abükyü yingnung.

⁴ Hütsüta Israelrü yangthsarü mahkhang langnürü, kangmübü müjüpü mahkhang Amüsa lung-dongdi mübichipü, kyothri mahkhang yahthri bichi mümüchehmülohpü anyahli linungbae.

⁵ Ta Israelrünü Abüdongba ihrü Tsingrang ko arüh yangthsaba David chahnü trahchocho khüdu yang ximülanung shikhe tsü ronung. Hütsüde arühnü Abüdongba drünung ko Abi jiyü atsa tsü ngunung.