1 ROHTHÜP 9 - AMÜSA BAIBEL (BSI)

Yangtsi langnü Thalirüti

¹ Israelrü atümung jümü chungnü thrahcho ko hütsü Israel yangthsarü Yukheh vakhala thrahyoh lile. Judarü tsü arüh münyi ngang Babylon lang kümtsicho.

² Arüh lih ko yangditilang akhu thalirü tsü Israelrü müyurü, bebürü, Levirü ko Amübükuh thsarüti.

³ Juda, Benjamin, Efraim ko Manase hungti lanü nyitsarüti Jerusalem la linung wücho.

^4-6 Juda hung lanü kukhi 690 Jerusalem la licho. Juda tsurü Perez chahnü trahchochoti michah Amihud shümtsurü ko Omri tsurü Uthai tsü arüh langnürü licho. Abi jümürü yola Imri ko Bani-sü licho. Juda tsurü Shela chahnü trahchochoti michah tsutpu athahthsa liba Asaia tsü arüh langnürü licho. Juda tsurü Zera chahnü trahchochoti michah Jeuel tsü arüh langnürü licho.

^7-8 Benjamin hung la khiyoh hiri Jerusalem la licho: Salu tsü Meshulam tsurü. Meshulam tsü Hodavia tsurü ko Hodavia tsü Hassenua tsurü licho. Jeroham tsurü Ibneia. Mikri shümtsurü ko Uzia tsurü Elah. Meshulam tsü Shefatia tsurü, Shefatia tsü Reuel tsurü ko Reuel tsü Ibnija tsurü.

⁹ Arüh hung hütsüla lirü atümungnü 956 licho. Arüh atümung tsutpu michah athahti licho.

Jerusalem la lirü Bebürü

^10-12 Jerusalem la bebürü hiri licho: Jedaia, Jehoiarib ko Jakhin. Hilkia tsurü Azaria (Amübükuh la ayingba), Zadok, abi jümürü tsü Meshulam, Meraiot ko Ahitub. Jeroham tsurü Adaia, abi jümürü tsü Pashur ko Malkija. Adiel tsurü Masai, abi jümürü tsü Jazera, Meshulam, Meshilemith ko Imer.

¹³ Bebürü tsutpu athahti arüh apümnü, hajar khüdu thsih dhünyehpü rohre licho. Amübükuh nguchi apüm la arüh tsü axangcheh licho.

Jerusalem la lirü Levirü

^14-16 Levirü hiri Jerusalem la licho: Hashub tsurü Shemaia, abi jümürü tsü Azrikam ko Hashabia-Merari, Bakbakar, Heresh ko Galal hung. Mika tsurü Matania, abi jümürü tsü Zikri ko Asaf. Shemaia tsurü Obadia, abi jümürü tsü Galal ko Jeduthun. Netofa yangdi yo lih la liba Elkana shümtsurü ko Asa tsurü Berekia.

Jerusalem la Amübükuh Nyahrü

¹⁷ Amübükuh nyahrü hiri hi Jerusalem la licho: Shalum, Akub, Talmon, ko Ahiman. Shalum tsü arüh langnürü licho.

¹⁸ Hütsü shikhe chii arüh hung tsü yangthsaba Trahtri nyühchürolang licho. Akhudilü arüh tsü Levirü liba trahtri la anyahrü thsacho.

¹⁹ Ebiasaf shümtsurü, ko Kore tsurü Shalum tsü, arüh jümürünü Abüdongba müdongchah nyahcho kyo, Abüdongba shükuh trahtri nyahnung tsü abi yola Kora hung jümürüti zeh arüh nguchi licho.

²⁰ Eleazar tsurü Finehas Abüdongba abi te lieng, khüdupi abinü arüh nyah licho.

²¹ Meshelimia tsurü Zekaria tsüsü Abüdongba shükuh trahtri nyahrü khüdu thsacho.

²² Trahtri nyahnung arüh atümungnü nyüh 212 throchehcho. Arüh tsü yangdong-yangdongnü thrahyohcho. Arüh khyang hiba nguchi atsa tsü yangthsaba David ko azikehrü Samuel nyühnü jücho.

²³ Arüh ko arüh trahnü mütozah Amübükuh trahtri nyahcho.

²⁴ Tbükhüm tsü kihku lahpi, kihjing lahpi, nyüchürolang ko nyüzüdulang abe pita licho ko hütsü müipi anyahrü aying khüdu-khüdu licho.

²⁵ Ko hiri anyahrüti tsü yang la liba tsutpurünü nyümong dhünyünyeh nengdang mülita trota nyahcho.

²⁶ Anyahrü aying arüh müyü tsü Levirü ko atümung michah arüh tsü khehthsithsarü licho. Amübükuh la chongsahti ko hütsüla yohpüba tsuyongnungti apüm arühnü dhingyehcho.

²⁷ Arüh tsü Amübükuh shündhün licho, tunüo hütsü nengdang ko nyangnyü mükhu trahtri khangthrunung tsü arüh nguchi thsacho.

Aparü Levirü

²⁸ Mübübala bichiba tsangfü-hifü tsü aparü Levirü nguchi thsacho. Hütsüri bichi müipi khidhingnü khyüchehcho ko yohpücho.

²⁹ Aparü tsü amüsa kohro, hüm, yongkha, olive tuji, müchiji ko axümlichi hiri xükümcho.

³⁰ Ta axümlichi yohrütanung nguchi tsülü bebürü nguchi thsacho.

³¹ Mübünung hümdhse külüprü tsü Levirü Matithia, Shalum tsurü aziba ko Kora hung, abi nguchi thsacho.

³² Sabath nyümong müipi nengdang Amüsa hümdhse külüpnung nguchi tsü Kohat tsutpu nguchi licho.

³³ Levirü kukhi khürü tsü Amübükuh la khi thsaba xükümcho. Hiri tsutpula athahti tsü amübükuh chongsah khürüla licho ko apa nguchi müjücho, tunüo ama atsingse arüh tsü riwünung yohpücho.

³⁴ Athahlang anengti tsü arüh jümü chung aichi Levirü tsutpu athahti licho. Arüh tsü Jerusalem la lirü yola langnürü licho.

Yangthsaba Saul Jümü ko Trah

³⁵ Jeiel-nü Gibeon yangdi thricho ko hütsüla licho. Anitpü neng Maka licho.

³⁶ Atsurü aukhuba tsü Abdon ko atsurü aparü tsü Zur, Kish, Baal, Ner, Nadab,

³⁷ Gedor, Ahio, Zekaria ko Shama au Mikloth.

³⁸ Arüh trah tsü Jerusalem la arüh tsutpurü shündhün licho.

³⁹ Ner tsü Kish au ko Kish tsü Saul au. Saul tsurü müyü licho: Jonathan, Malkishua, Abinadab ko Eshbaal.

⁴⁰ Jonathan tsü Meribal au ko Meribal tsü Mika au.

⁴¹ Mika tsurü müyü licho: Pithon, Melek, Tarea ko Ahaz.

⁴² Ahaz tsü Jara au ko Jara tsurü asang licho: Alemeth, Azmavet ko Zimri. Zimri tsü Moza au,

⁴³ ko Moza tsü Binea au. Binea tsü Refaia au ko Refaia tsü Eleasa au ko Eleasa tsü Azel au.

⁴⁴ Azel tsurü dhüroh licho: Azrikam, Bokeru, Ishmael, Shearia, Obadia ko Hanan.