1 ROHTHÜP 7 - AMÜSA BAIBEL (BSI)

Isakar Trah

¹ Isakar tsurü müyü licho: Tola, Pua, Jashub ko Shimron.

² Tola tsurü dhüroh licho: Uzi, Refaia, Jeriel, Jamai, Ibsam ko Shemuel. Arüh tsü Tola tsutpu michah athah thsacho ko athrungrü rothsarüti thsacho. Yangthsaba David chichah arüh mono hajar mükyüpü anyüh thsih dhüroh licho.

³ Uzi tsurü khüdu Izrahia licho. Izrahia tsurü müyü, Mikael, Obadia, Joel ko Ishia licho ko arüh tsü arüh tsutpu michah athah licho.

⁴ Arüh nitpürü ko tsuzarü adrong licho, hütsünü arüh trah lanü rothsarü nguchila nyüh hajar sangrepü dhüroh jücho.

⁵ Isakar tsutpu kukhiti lanü rothsarü nguchila wüxah adhrerü hajar qurepü dhünyeh licho athrahchola ngure.

Benjamin ko Dan Trah

⁶ Benjamin tsurü asang licho: Bela, Beker ko Jediael.

⁷ Bela tsurü münga licho: Ezbon, Uzi, Uziel, Jerimoth ko Iri. Arüh tsü tsutpu michah athah ko athrungrüti rothsarü licho. Arüh tsutpu lanü rothsarü nguchila hajar mükyüpü anyüh sangrepü müyü zehcho.

⁸ Beker tsurü düku licho: Zemira, Joash, Eliezer, Eleoenai, Omri, Jeremot, Abija, Anathot ko Alemeth.

⁹ Arüh tsutpu lanü rothsarü nguchila wüxah hajar mükyü thsih anyüh zehcho.

¹⁰ Jediael tsurü khüdu Bilhan licho ko Bilhan tsurü dhünyeh licho: Jeush, Benjamin, Ehud, Khenana, Zethan, Tarshish ko Ahishahar.

¹¹ Arüh tsü tsutpu michah athah licho ko athrungrü rothsarüti licho. Arüh tsutpu lanü rothsarü nguchila hajar dhüre dhünyeh thsih anyüh zehcho.

¹² Shupim ko Hupim nyühsü hiba hung lanü licho. Dan tsurü khüdu Hushim licho.

Naftali Trah

¹³ Naftali tsurü müyü licho: Jaziel, Guni, Jezer ko Shalum. (Arüh tsü Bilha chahnü trahchochoti licho.)

Manase Trah

¹⁴ Abi ashamtpü Aramea latpü chahnü Manase tsurü anyüh licho, Asriel ko Makhir, Makhir tsü Gilead au thsacho.

¹⁵ Makhir-nü Hupim ko Shupim nyüh khyang khingkurü khüdu-khüdu khyüjücho. Abi afü neng Maka licho. Makhir anyüuba tsurü tsü Zelofehad licho ko abi tsurü khingkurü du licho.

¹⁶ Makhir nitpü Maaka-nü adhrerü anyüh nümüsucho ko arühnü aneng Peresh ko Sheresh dsicho. Peresh tsurü anyüh licho, Ulam ko Rakem,

¹⁷ ko Ulam tsurü khüdu du Bedan licho. Hiri apüm Manase shümtsurü ko Makhir tsurü Gilead chahnü trahchocho.

¹⁸ Gilead anilatpü Hamolecheth chahnü azarü asang licho: Ishod, Abiezer ko Mahlah.

¹⁹ (Shemida tsurü müyü licho: Ahian, Shekem, Likhi ko Aniam.)

Efraim Trah

²⁰ Hiri hi shang papa la Efraim chahnü trahchocho: Shuthela, Bered, Tahath, Eleada, Tahath,

²¹ Zabad, Shuthela. Efraim tsurü Shuthela mükhipü adesü anyüh licho: Ezer ko Elead, arüh tsü Gath la lirü yo misü foyade kyüsehcho.

²² Arüh au Efraim-nü anyahli arüh meshücho ko amungrünü ro abi kihchocho.

²³ Hütsüpü abinü anitpü te thali mükhongcho ko abükyü fü müdeng kangcho ko azarü khüdu nümüsucho. Ko arühnü abi neng Beria dsicho, tunüo arüh kukhi la chongcha dee rocho.

²⁴ Efraim tsurü khingkurü khüdu Sheera licho. Abükyünü athahlang ko ajinglang Beth Horon ko Uzen Sheera yangditi thricho.

²⁵ Efraim tsurü adesü adhrerü khüdu Refa licho ko abi chahnü hiri trahchocho: Reshef, Tela Tahan,

²⁶ Ladan, Amihud, Elishama,

²⁷ Nun, ko Joshua.

²⁸ Arühnü mahchehpü lipehbala tsü Bethel ko hütsü mükang liba yangditi ko nyüchürolang Naran chii ko nyüzüdulang Gezer ko hütsü mükang liba Ayya ko hütsü mükang yangditi zehcho.

²⁹ Manase chahnü trahchochotinü Beth Shan, Tanak, Megido ko Dor ko hütsüri mükang liba yangdongti arüh pohki yohpücho. Hiri müdüm apüm la Jakob tsurü Josef chahnü trahchochoti licho.

Asher Trah

³⁰ Asher chahnü trahchochoti hiri licho. Abi atsurü müyü licho: Imna, Isva, Ishvi ko Beria; ko khingkurü khüdu Sera licho.

³¹ Beria tsurü anyüh licho, Heber ko Malkiel. (Malkiel-nü Birzaith yangdi thricho.)

³² Heber tsurü adhrerü asang: Jaflet, Shomer ko Hotham; ko atsulatpü khüdu Shua licho.

³³ Jaflet tsü atsurü asang licho: Pasak, Bimhal ko Ashvath.

³⁴ Anithre Shomer tsurü asang licho: Roga, Jehuba ko Aram.

³⁵ Anithre Hotham tsurü müyü licho: Zofa, Imna, Shelesh ko Amal.

³⁶ Zofa chahnü trahchochoti tsü Suah, Harnefer, Shual, Beri, Imra,

³⁷ Bezer, Hod, Shama, Shilsha, Ithran ko Beera.

³⁸ Jether chahnü trahchocho tsü Jefune, Pispa ko Ara,

³⁹ ko Ulla chahnü trahchocho tsü Ara, Hanniel ko Rizia.

⁴⁰ Hiri apüm tsü Asher chahnü trahchocho. Arüh tsü tsutpu michah athahti, athrungrüti ko anengkhong langnürüti licho. Asher trah lanü rothsarü nguchila nyüh hajar mükyüpü dhüroh zehcho.