1 ROHTHÜP 5 - AMÜSA BAIBEL (BSI)

Reuben Trah

¹ Hiri hi Jakob tsurü aukhuba Reuben chahnü trahchochoti: (Abinü au ashamtpü khüdu te mükhongcho khu, aukhuba athsalang tsü abi müngucho, ko Josef khyang jücho.

² Ta re azeh-u ko ahung atümung khyang yangthsarü jüchehba tsülü Juda hung licho.)

³ Reuben tsurü müyü licho: Hanok, Pallu, Hezron ko Karmi.

^4-6 Hiri hi shangnüshang Joel chahnü trahchochoti licho: Shemaia, Gog, Shimei, Mika, Reaia, Baal ko Beera. Assyriarü yangthsaba Tiglath Pileser-nü anüchiba Beera kohcho ko arüh lih lang rang notsicho.

⁷ Reuben hung la, langnürüti hiri tsutpu yukheh la thrahyoh lile: Jeiel, Zekaria,

⁸ ko Joel hung la Shema shümtsurü ko Azaz tsurü Bela. Hiba hung hi Aroer ko hütsülanü Nebo kihku lahpi ko Baal Meon la licho.

⁹ Gilead lih la arüh yo kanglungrü khütang licho, hütsünü arühnü Eufrates Yongkhi chii lipilih apüm khyücho.

¹⁰ Yangthsaba Saul bekhyah, Reuben hungnü Hagrit-rü mahcho, arüh khatala kyüsehcho ko Gilead nyüchüro lahpi arüh lih tsü khyüjücho.

Gad Trah

¹¹ Gad hung tsü Reuben kihku lahpi Bashan lih la Saleka nyüchürolang chii licho.

¹² Joel tsü tsutpu yola aziba ko Shafam tsü chitungba licho. Janai ko Shafat tsü Bashan la ahung apasü nguchehcho.

¹³ Arüh hung la aparü tsü hiri ahung dhünyehla zehcho: Mikael, Meshulam, Sheba, Jorai, Jokan, Zia ko Eber.

¹⁴ Arüh tsü Huri tsurü Abihail chahnü trahchocho ko abi jümürü tsü hiri licho: Abihail, Huri, Jaroa, Gilead, Mikael, Jeshishai, Jado ko Buz.

¹⁵ Guni shümtsurü ko Abdiel tsurü Ahi tsü hiri hung michah athah licho.

¹⁶ Arüh tsü Bashan ko Gilead lih la, yangditila ko Sharon lih zanulih apüm la licho.

¹⁷ (Hiri athrahchoti tsü Juda yangthsaba Jotham ko Israel yangthsaba Jeroboam II chichah müdsangbülungcho.)

Nyüchürolang Yuchoti Rothsarü

¹⁸ Reuben, Gad, ko nyüchürolang Manase hung la, tsung, nohsheng ko singthsalu bichinungla athsacheh rothsarü nyüh hajar yürepü müyü thsih dhünyeh rohre licho.

¹⁹ Hagrit hung Jetur, Nafish ko Nodab nyüm khatanung wücho.

²⁰ Arühnü Tsingrangba chah yudsicho ko Abi te dangkhidangnangcho ko arüh akihchiba laling, Tsingrangba-nü arüh khyang Hagrit-rü ko arüh tsungphungrü michah akoh jücho.

²¹ Arühnü arorüh chahnü ut hajar dhünyang, san lakh anyüpü hajar dhünyang, gadu hajar anyüh khyücho ko nyüh lakh khüdu rangcho.

²² Arühnü arüh rorüh khütang kyüsehcho, tunüo khata tsü Tsingrangba-nü lümcho licho. Ko yangtsi müchangkade, arühnü hütsüba lih la licho.

Nyüchürolang Manase Nyitsarü

²³ Nyüchürolang Manaserü tsü Bashan lih la Baal Hermon, Senir ko kihku lang Hermon Zong chii licho ko arüh mono khütang sucho.

²⁴ Arüh hung la hiri hi athah licho: Efer, Ishi, Eliel, Azriel, Jeremia, Hodavia ko Jadaiel. Arüh tsü arüh hung la anengkhong rothsarü ko langnürüti licho.

Nyüchürolang Yuchoti

²⁵ Ta müyurütinü arüh jümürü Tsingrang te yuje müchocho ko arüh lih lanü Tsingrangba-nü iipehba apa yuchoti tsingrangti mübünung abi pehjücho.

²⁶ Hütsünü Tsingrangba-nü Assyriarü yangthsaba Pul (Tiglath Pileser püsü dsire) khyang arüh lih mahsohcho. Abinü Reuben, Gad ko nyüchürolang Manase hungti tsü küm nowü Hala, Habor, Hara ko Gozan Yongkhi shündhün arüh lede nengdang lisohcho.