1 ROHTHÜP 27 - AMÜSA BAIBEL (BSI)

Rothsarü ko Müyurü Mülung

¹ Hiba hi Israel tsutpu athahti ko ahung la azibarüti ko yanglih la athsaba nguchirü thsazirüti chung. Kang la choo müipi mülung papa lanü nyitsarü hajar mükyüpü müyünü anüchirü khüdu pohki hütsüba choo nengdang dikehcho.

^2-15 Choo müipi nengdang anüchirü tsü hiri licho: Akhudiba choo: Zabdiel tsurü Jashobeam (abi Juda la yucho khüdu Perez hung lanü licho.) Anyüuba choo: Dodai, Ahohi trah lanü (Mikloth tsü abi anüchiba anyüuba licho.) Asangu choo: Bebüba Jehoiada tsurü Benaia; abi tsü “Sangre” michah anüchiba licho (atsurü Amizabad tsü hiba mülung la anüchiba kangcho.) Amüyüuba choo: Joab ani Asahel (atsudhre Zebadia-nü abi mülihcho) Amüngau choo: Izhar trah lanü Shamhuth. Adhüroh-u choo: Tekoa lanü Ikkesh tsurü Ira. Adhünyeh-u choo: Pelon lanü Efraimrü Helez. Akeh-u choo: Husha lanü Sibekai (Juda yucho la changsho, Zera hung la khiyoh khüdu) Adüku-u choo: Benjamin lih la Anathot lanü Abiezer. Adhüreu choo: Netofa lanü Maharai (abi Zera hung la khiyoh khüdu) Dhürekheh-u choo: Efraim yucho lih la Pirathon lanü Benaia Dhüre anyüu choo: Netofa lanü Heldai (abi Othniel chahnü trahchocho.)

Israel Hung Yangthsathsaba

^16-22 Hiba hi Israel yucho la thsazirüti chung: Yucho thsazirü Reuben Zikri tsurü Eliezer Simeon Maka tsurü Shefatia Levi Kemuel tsurü Hashabia Aron Zadok Juda Elihu, yangthsaba David amungrü yola khüdu Isakar Mikael tsurü Omri Zebulun Obadia tsurü Ismaia Naftali Azriel tsurü Jeremot Efraim Azazia tsurü Hoshea Nyüzüdulang Manase Pedaia tsurü Joel Nyühchürolang Manase Zekaria tsurü Iddo Benjamin Abner tsurü Jassiel Dan Jehoram tsurü Azarel

Yucho thsazirü

²³ Yangthsaba David-nü kang mükyü apohkirülü mono mükhicho, tunüo müyurü tsü ningchah chenghi kyo susohnung Abüdongba-nü nyengchocho.

²⁴ Joab, sü atpa Zeruia licho, abinü mono khidhingnung dikehcho, ta abinü müthümcho. Hiba mono khiba khu Abüdongba-nü Israelrü khingchicho, hütsünü mono shikhi atsüptsi tsü yangthsaba David thrahyohchola müzehcho.

Yangthsaba Kuthsi Müshorü

^25-31 Yangthsaba kuthsi müshorü tsü hiri licho: Yangthsaba kohro zahkehji: Adiel tsurü Azamaveth Yangdong kohro zahkehji: Uzia tsurü Jonathan Luh Nguchirü: Khelub tsurü Ezri Shükusih luh: Rama lanü Shimei Yongkha zahkehji: Shefam lanü Zabdi Olive ko papasi: (nyüzüdu lahpi azong jingdümpi): Geder lanü Baal Hanan Olive tuji zahkehji: Joash Sharon Ngah la misü: Sharon lanü Shitrai Angah la misü: Adlai tsurü Shafat Ut: Ishmaelrü Obil Gadu: Meronot lanü Jedeia San ko miza: Hagrit lanü Jaziz.

David Khyang Lümlong Jürü

³² David au azaba Jonathan tsü lümlong jürü axangcheh ko amüdherü khüdu licho. Yangthsaba tsurü akhinung tsü abi ko Hakmoni tsurü Jehiel nyüh nguchi thsacho.

³³ Ahithofel tsü yangthsaba khyang lümlong jürü ko Arkit-rü Hushai tsü yangthsaba shangrü ko atrorü licho.

³⁴ Ahithofel süpü, Benaia tsurü Abiathar ko Jehoiada nyüh lümlong jürü kangcho ko Joab tsü rothsarü michah anüchiba thsacho.