1 ROHTHÜP 25 - AMÜSA BAIBEL (BSI)

Amübükuh la Khithsarü

¹ Yangthsaba David ko Levirü zirütinü amübüla langnünung nengdang Levi hung lanü hiri throchehcho: Asaf, Heman ko Jeduthun. Tbenglah ko dhingza tii khi thsachote müjang arühnü Tsingrangba yu sobhonung. Mülung papanü yangthsa papa la dikehde amübü nüchi nyitsarü hiri throchehcho:

² Asaf tsurü müyü: Zakur, Josef, Nethania ko Asharela. Arüh tsü Asaf pohki licho ko yangthsabanü khodederü yuzeng jonang abinü Tsingrangba yu chocho.

³ Jeduthun tsurü arüh dhüroh: Gedalia, Zeri, Jeshaia, Shimei, Hashabia ko Matithia. Aunü xükümnü arühnü Tsingrangba yu sobhocho ko tbenglah tii Abüdongba nengsekhi thsacho.

⁴ Heman tsurü arüh dhüremüyü: Bukia, Matania, Uziel, Shebuel, Jerimoth, Hanania, Hanani, Eliatha, Gidalti, Romamti Ezer, Joshbekasha, Malothi, Hothir ko Mahazioth.

⁵ Tsingrangba-nü Heman khyang anyengchocho kyo zii jünung nengdang, yangthsaba azikehrü, atsurü dhüremüyü ko atsularü asang jücho.

⁶ Atsurüti atümungnü aunü nücho amübükuh la mübüde arühnü tbenglah ko dhingza tiicho. Ko Asaf, Jeduthun ko Heman-rü tsü, yangthsaba yuzeng pohki licho.

⁷ Hiri mükyüpü müyüding axangcheh du licho; ko arüh jünirü Levirü tsü khithsarü asithsa licho. Arüh atümungnü nyüh 288 licho.

⁸ Arüh axangchehrü ko anyichorü, azarü ko azirünye, arüh nguchi tsü zii thsadhing changnahcho.

^9-31 Hiri 288 tsü tsutpu aichi dhüreanyü-nyünü mülung mükyüpü müyü kang anüchirü khüdu-khüdu zeh yohpüjücho: 1) Asaf kukhi lanü Josef; 2) Gedaliah; 3) Zakur; 4) Zeri; 5) Nethania; 6) Bukia; 7) Asharela; 8) Jeshaia; 9) Matania; 10) Shimei; 11) Uziel; 12) Hashabia; 13) Shebuel; 14) Matithia; 15) Jerimoth; 16) Hanania; 17) Joshbekasha; 18) Hanani; 19) Malothi; 20) Eliatha; 21) Hothir; 22) Gidalti; 23) Mahazioth; 24) Romamti Ezer.