1 ROHTHÜP 24 - AMÜSA BAIBEL (BSI)

Bebürü Nguchi

¹ Hiri mülung hi Aron chahnü trahchocho. Aron tsurü müyü licho: Nadab, Abihu, Eleazar ko Ithamar.

² Nadab ko Abihu nyüh au mah-ede anyüh chahnü majüh mülipü sopehcho, anyüh ni nyüh Eleazar ko Ithamar nyüh bebürü kangcho.

³ Yangthsaba David-nü Aron chahnü trahchochoti arüh nguchi aichi mülung papa kang changnahjücho. Hiba nguchila Eleazar chahnü Zadok ko Ithamar chahnü Ahimelek nyühnü trocho.

⁴ Eleazar chahnü trahchochoti mülung dhüredhüroh kang changnahcho ko Ithamar trah chang keh kang changnahcho; tunüo Eleazar trah la adhrerü drongracho.

⁵ Eleazar ko Ithamar anyüding trah lanü amübükuh la ayingthsarü ko anbüla langnürüti lichonü, nguchi tsü zii thsadhingnü changtacho.

⁶ Eleazar ko Ithamar trahnü zii thsadhing mülihta dikehcho. Hütsüpü Nethanel tsurü Shemaia Levirü athrahbanü arüh neng thrahyohcho. Hila yuzi tsü yangthsaba, abi thsazirüti, bebüba Zadok, Abiathar tsurü Ahimelek bebü tsutpu lanü athahti ko Levi tsutpu.

^7-18 Mülung mükyüpü müyü nguchi changta jüba chung tsü hiroh-i: 1) Jehoiarib; 2) Jedaiah; 3) Harim; 4) Seorim; 5) Malkhijah; 6) Mijamin; 7) Hakkoz; 8) Abijah; 9) Jeshua; 10) Shekaniah; 11) Eliashib; 12) Jakim; 13) Hupah; 14) Jeshebeab; 15) Bilga; 16) Imer; 17) Hezir; 18) Hapizez; 19) Pethahia; 20) Jehezkel; 21) Jakhin; 22) Gamul; 23) Delaia; 24) Mazia.

¹⁹ Hiri nyitsarü hi arüh nguchi aichi amübükuhlang wünung ko Israel Tsingrang Abüdongba-nü mülacho nyi jümürü Aron-nü külüpcho nguchinung thrahyohcho.

Levirü Chung

²⁰ Hiri hi Levi chahnü trahchocho tsutpu apa la athahti: Jedeia, Shebuel chahnü Amran trah;

²¹ Ishia, Rehabia chahnü trahchocho;

²² Jahat, Shelomit chahnü Izhar trah;

²³ Jeria, Amaria, Jehaziel ko Jekameam, Hebron tsurüti achunglangnü;

²⁴ Shamir, Mika chahnü Uziel trah;

²⁵ Zekaria, Mika amung Ishia khu Uziel chahnü trahchocho;

²⁶ Mali, Mushi ko Jazia-Merari chahnü trahchocho.

²⁷ Jazia tsurü asang licho. Shoham, Zakur ko Ibri.

^28-29 Mali tsurü anyüh licho, Eleazar ko Kish. Eleazar azarü mülicho, ta Kish tsurü khüdu licho, Jeramel.

³⁰ Mushi tsurü asang licho; Mali, Eder ko Jeremot.

Levirü Tsutpu tsü Hiri

³¹ Aron chahnü trahchocho bebürüti ko jünirütinü nguchicho kyo, tsutpu müipi michah athah ko ani achangbarü zii thsadhingcho. Yangthsaba David, Zadok, Ahimelek ko bebü tsutpu michah athahti ko Levirüti yuzithsacho.