Yisaaya 12 - EBBAIBBO EMBOOSI YA NASAAE

Olweembo lw'ohweebasa

¹ Oludaalo olwo nilwahoole, abaandu baheembe bati: “Njia ohuhweebasa, ewe Omwaami, kata wali n'onyoleere naange etima lyao lyakaame, mani bulaanu wuunemiisye omwooyo.

² “Bone, Nasaae niye omuwonia waange; njia ohumweesika, haandi haba siinjia hutya; olwohuba Omwaami NASAAE niye amaani kaange haandi olweembo lwaange, mani niye omuwonia waange.”

³ Muchia ohuba neende esangaalo nimudaya amaachi ohutula mu myaalo ky'obuwonia.

⁴ Mani hu ludaalo olwo muchia ohuboola muti: “Mweebase Omwaami, mukinie eliita lyae; mweekese abaandu b'ebyaalo biindi eby'amayia bi yahola, lehe bamanye bati, muhunuufu niye.

⁵ “Mweembe efuma y'Omwaami, olwohuba ebiindu bi aholere by'amaani nibyo; lehe sino simanyihane mu syaalo syoosi.

⁶ Eng'we abaandu bamenya mu Siyooni, muhuumule, haandi mweembe neende esangaalo, olwohuba Omwoolerefu wa Yisiraeli niye oli akatikaati weeng'we.”