Ohubala 26 - EBBAIBBO EMBOOSI YA NASAAE

Ohubala abaandu hwohubiri

¹ Oluumbe lubi luno nilwawa, Omwaami yaboolera Musa neende Eliasaari omwaana wa Arooni ati,

² “Bala abaandu mu buli madaala, mu baandu bano boosi aba Yisiraeli, abasaacha boosi ab'emyaaka amahumi kabiri eky'obuhuluundu abanyala ohuhola okw'amaye.”

³ Musa neende Eleasaari omulaamisi baalomaloma nabo mu syaalo sikwalaafu sya Moabbu aambi neende Yorodaani mu Yeriko, nibaboola bati,

⁴ Bala abaandu, ohutulira hu myaaka amahumi kabiri eky'obuhuluundu neende ohuchia aakulu koti lu Omwaami alagiire Musa. Abaandu ba Yisiraeli, abatula mu syaalo sy'e Misiri bali:

⁵ Enono ya Rubbeeni (Rubbeeni yali omwaana muhuluundu wa Yakobbo) yalimo amadaala kano: Hanoki, Palu,

⁶ Hesirooni, neende Karimi.

⁷ Enono ch'Abarubbeeni choosa abasaacha elifu amahumi kane neende chidatu, neende emia chitaanu-na-chibiri neende amahumi kadatu (43,730).

⁸ Abeechuhulu ba Palu bali, Eliabbu

⁹ neende abaana bae Nemueli, Datani, neende Abbiramu. (Bano Abadatani neende Abbiramu abadoolwa neende omukaanda kwoosi okw'Abaisiraeli. Balekeeresa Musa neende Arooni mani nibeeyambaania hu baloondi ba Koora nibajeemera Omwaami.

¹⁰ Eloba lyeekuhao lyabamira, nibafwa neende Koora neende abaloondi bae omuliro nikwasihirisa abasaacha emia chibiri neende amahumi kataanu (250); beehola esyohuboneraho eyiri abaandu badoong'ao.

¹¹ Nae abaana ba Koora haba sibafwa daawe.)

¹² Enono ya Simeoni yalimo amadaala kano: Nemueli, Yamini, Yakini,

¹³ Seera, neende Sauli.

¹⁴ Enono chino chatulamo abasaacha elifu amahumi kabiri neende chibiri, neende emia chibiri (22,200).

¹⁵ Enono ya Gaadi yalimo amadaala kano: Sefoni, Hagi, Suni,

¹⁶ Osini, Eeri,

¹⁷ Aroodi, neende Areli.

¹⁸ Amadaala kano katulamo abasaacha elifu amahumi kane neende emia chitaanu (40,500).

¹⁹ Abaana ba Yuda bali, Eri, neende Onaani; nae Eri neende Onaani bafwiira mu syaalo sya Kanani.

²⁰ Nae abaana ba Yuda ohuchiira hu madaala kaabwe bali bati: aba Sela, edaala ly'Abaseela; aba Peresi, edaala ly'Abaperisia; aba Sera, edaala ly'Abaseera.

²¹ Nae abaana ba Peresi bali nibo: aba Hesirooni, edaala lya Hesirooni; aba Hamuli, edaala ly'Abahamuli.

²² Kano niko akali amadaala ka Yuda ohweema hu buungi bwaabwe, bali elifu amahumi kataanu-na-kabiri neende chisaasaba, neende emia chitaanu (76,500).

²³ Enono ya Yisakari yalimo amadaala kano: Toola, Puwa,

²⁴ Yasubbu, neende Simirooni.

²⁵ Enono chino chalimo abasaacha elifu amahumi kasaasaba neende chine, neende emia chidatu (64,300).

²⁶ Sebbuluuni lwali luti: enono chia Seredi, Eloni, neende Yahaleeli.

²⁷ Enono chino chalimo abasaacha elifu amahumi kasaasaba neende emia chitaanu (60,500).

²⁸ Enono cha Yosefu, owali laatang'ene w'abaana babiri, Manaase neende Efuraimu.

²⁹ Abaana ba Masase bali bano: aba Makiri, edaala ly'Abamakiri; haandi Makiri niye owali laatang'ene Gileadi; aba Gileadi, edaala ly'Abagileadi.

³⁰ Bano nibo abali abaana ba Gileadi: aba Yeseeri, edaala ly'Abaiseeri; aba Heleki, edaala ly'Abaheleki;

³¹ nae aba Asirieli, edaala ly'Abasirieli; neende aba Sekemu, edaala ly'Abasekemu;

³² neende aba Semida, edaala ly'Abasemiida; neende aba Hefeeri, edaala ly'Abahefeeri.

³³ Bulaanu, Selofehaadi omwaana wa Hefeeri, haba siyaliho neende omwaana musyaani daawe, ohutusaho abahaana boong'ene bano: Mahila, Nowa, Hogila, Milika neende Tirisa.

³⁴ Kano niko amadaala ka Manaase; mani obuungi bwaabwe bwali buyera abasaacha elifu amahumi kataanu neende chibiri, neende emia chitaanu-na-chibiri (52,700).

³⁵ Bano nibo abali abaana ba Efuraimu ohweema hu madaala kaabwe: aba Suteela, edaala ly'Abasuteela; aba Bbekeri, edaala ly'Ababbekeeri; aba Tahani, edaala ly'Abatahaani.

³⁶ Nae bano nibo abali abaana ba Suteela: aba Eraani, edaala ly'Abaeraani.

³⁷ Kano niko akali amadaala ak'abaana ba Efuraimu ohweema hu buungi bwaabwe, abasaacha elifu amahumi kadatu neende chibiri, neende emia chitaanu (32,500). Bano nibo abaana ba Yosefu ohweema hu madaala kaabwe.

³⁸ Bano nibo abali abaana ba Bbenjamini ohweema hu madaala kaabwe: aba Bbelaite, edaala ly'Ababbela; aba Asibbeeli, edaala ly'Abasibbeeli; aba Ahiramo, edaala ly'Abaahiramu;

³⁹ aba Sefufaamu, edaala ly'Abasefufaamu; aba Hufaamu, edaala ly'Abahufaamu.

⁴⁰ Nae Aridi neende Namani: aba Aridi, edaala ly'Abaaridi; aba Namani, edaala ly'Abanamani.

⁴¹ Bano nibo abaana ba Bbenjamini ohweema hu madaala kaabwe; mani obuungi bwaabwe bwali bwoola, abasaacha elifu amahumi kane neende chitaanu, neende emia chisaasaba (45,600).

⁴² Bano nibo abali abaana ba Daani ohweema hu madaala kaabwe: aba Suhamu, edaala ly'Abasuhamu. Kano niko akali amadaala k'abaana ba Daani ohweema hu madaala kaabwe.

⁴³ Amadaala k'Abasuhamu koosi, ohweema hu buungi bwaabwe, bali abasaacha, elifu amahumi kasaasaba neende chine, neende emia chine (64,400).

⁴⁴ Abaana ba Aseri ohweema hu madaala kaabwe bali bano: aba Yimina, edaala ly'Abaimuna; aba Yisifi, edaala ly'Abaisifi; aba Bberia, edaala ly'Ababberia.

⁴⁵ Nae abaana ba Bberia bali bati: aba Hebberi, edaala ly'Abahebbeeri; aba Malikieli, edaala ly'Abamalikieli.

⁴⁶ Nae eliita ly'omuhaana w'Aseri lyali Seera.

⁴⁷ Kano niko amadaala k'abaana ba Aseri ohweema hu buungi bwaabwe bwali, abasaacha elifu amahumi kataanu neende chidatu neende emia chine (53,400).

⁴⁸ Abaana ba Nafutaali ohweema hu madaala kaabwe bali bano: aba Yaseeli, edaala ly'Abayaseeli; aba Guni, edaala ly'Abaguuni;

⁴⁹ aba Yeseri, edaala ly'Abayeseeri; aba Silemu, edaala ly'Abasilemu.

⁵⁰ Kano niko amadaala ka Nafutaali ohweema hu nyuumba chaabwe; nae obuungi bwaabwe bwali bwoola abasaacha elifu amahumi kane neende chitaanu, neende emia chine (45,400).

⁵¹ Buno nibwo obwali obuungi bw'abaandu ba Yisiraeli, abasaacha elifu emia chisaasaba neende ndala, emia chitaanu-na-chibiri neende amahumi kadatu (601,730).

⁵² Omwaami yaboolera Musa ati,

⁵³ “Kabania eloba lino mu nono chino, ohweema hu buungi bwaabwe.

⁵⁴ Enono hoongo niyo yoochia ohuberesa obusiha buhoongo, nae hu enono ndiidi ochia ohuluberesa obusiha budiidi; buli nono yichia ohukabwa obusiha bwaabwo ohweema hu buungi bwaabwe.

⁵⁵ Nae eloba lichia ohukabanwa neende ohuubba eha; ohweema hu meeta k'enono cha bakuuka yaabwe babacha ohusihira.

⁵⁶ Obusiha bwaabwe buchia ohukabanisibwa neende ohuubba eha akatikaati w'oluhoongo neende oludiidi.”

⁵⁷ Bano nibo abali Abaleefi nibabalwa ohweema hu madaala kaabwe: edaala lya Gerisoni, edaala ly'Abagerisooni; aba Kohati, edaala ly'Abakohati; aba Merari, edaala ly'Abameraari.

⁵⁸ Kano niko amadaala kali aka Leefi: edaala ly'Abaliibbu, edaala ly'Abahebburooni, edaala ly'Abamahili, edaala ly'Abamusi, edaala ly'Abakoora. Nae Kohati yali laatang'ene Amuramu.

⁵⁹ Eliita ly'omuhasi wa Amuramu lyali, “Yokebbedi”, omuhaana wa Leefi, oweebulirwa Leefi mu Misiri; mani niye oweebulira Amiramu Arooni neende Musa neende Miriamu mboocho yaabwe.

⁶⁰ Nae eyiri Arooni, beebula, Nadabbu, Abbihu, Eliasaari neende Yitamaari.

⁶¹ Nae Nadabbu neende Abbihu baafwa nibayaana omuliro kutaali omwoolerefu eyiri Omwaami.

⁶² Bano babalirwaho abaandu elifu amahumi kabiri-na-chidatu (23,000), buli w'esisaacha ohutula hu mwoosi mulala neende ohuniina aakulu; olwohuba bano haba sibali nibabalirwa alala neende abaandu ba Yisiraeli, olwohuba yahubula esiindu sy'obusihirano esyohubaberesa mu baandu ba Yisiraeli.

⁶³ Bano mani nibo abo ababalwa neende Musa neende Eliasaari omulaamisi, owabala abaandu ba Yisiraeli nibali mu sipaapi sya Moabbu aambi neende Yorodaani mu Yeriko.

⁶⁴ Nae mu bano boosi haba simwalimo omusaacha yeesi owali niyabalibwa neende Musa, neende Arooni omulaamisi, owabala abaandu ba Yisiraeli nibali mu siparara sya Sinai.

⁶⁵ Olwohuba Omwaami yali naabalomaloomeho ati, “Abo bachia ohufwiira mu siparara.” Haba siyali niyalehwaho omuundu yeesi kata mulala, ohutusaho Kalebbu omwaana wa Yefune neende Yosua omwaana wa Nuuni.