Esita 10 - EBBAIBBO EMBOOSI YA NASAAEObuhunuufu bwa Ahasuera neende Modekai 1 Omutuki Ahasuera mani y'akereha omusolo baandu bohu loba neende abohu bisiinga byomu nyaanja. 2 Ebyo byoosi yabihola ohweekesa obunyala bwae neende amaani kae, neende ebyo byoosi ebyeekesa koti lu yeesa oluyaali mu Modekai. Ebiindu ebyo byoosi yabyandiika mu Sitabo esyomu Biha bya Abatuki ba Perisia neende Media. 3 Modekai Omuyudaaya, niye owali n'aloonderera Omutuki Ahasuera mu luyaali. Abayudaaya baasye bamwiisamo muno oluyaali haandi bamudaha muno; olwohuba yaholeraanga abaandu bae neende abeechuhulu baabwe ebilai, haandi yadahisiraanga abaandu bae omuleembe. |