Esira 2 - EBBAIBBO EMBOOSI YA NASAAE

Olunyiriri lw'abo abakobola nibatula mu bwiiruhiro

¹ Abeeruswa abaangi banyala ohutula mu syaalo sya Bbabbilooni nibakobola mu Yerusalemu neende mu Yuda, boosi nga bakobola mu biko by'engo waabwe. Amadaala kaabwe kali nikamenya mu bwiiruhiro mu Bbabbilooni ohutulira elalira koti lu Nebukadineesa yabawaamba yaabayira ebweene eyo koti ababoye.

² Abeemirisi baabwe bali nibo Serubbabbeli, Yosua, Nehemia, Seraya, Relaaya, Modekai, Bbilisani, Misipari, Bbigifai, Rehumu, neende Bbaana. Luno nilwo olukalala lw'enono chia Yisiraeli, alala neende obuungi bw'abaandu batula mu buli nono abakobola ohutula mu bwiiruhiro.

³ Abeechuhulu ba Parosi, elifu chibiri neende emia ndala neende amahumi kataanu-na-kabiri na babiri (2,172).

⁴ Aba Sefatia, emia chidatu neende amahumi kataanu-na-kabiri na bataanu.

⁵ Aba Ara, emia chitaanu-na-chibiri neende amahumi kataanu-na-kabiri na bataanu.

⁶ Aba Pahati-Moabbu neende Yoabbu, elifu chibiri neende emia munaane neende ehumi-na-babiri (2,812).

⁷ Abaana b'Elamu, elifu ndala neende emia chibiri neende kataanu-na-babiri (1,252).

⁸ Aba Saatu, emia chitaanu-na-chine neende amahumi kane neende bataanu (945).

⁹ Aba Sakai, emia chitaanu-na-chibiri neende amahumi kasaasaba (760).

¹⁰ Aba Bbani, emia chisaasaba neende amahumi kane neende babiri (642).

¹¹ Aba Bbebbai, emia chisaasaba neende amahumi kabiri neende badatu (623).

¹² Aba Asigaadi, elifu ndala neende emia chibiri neende amahumi kabiri neende babiri (1,222).

¹³ Aba Adonikaamu, emia chisaasaba neende amahumi kasaasaba neende basaasaba (666).

¹⁴ Aba Bbigifai, elifu chibiri neende amahumi kataanu neende basaasaba (2,056).

¹⁵ Aba Adiini, emia chine neende amahumi kataanu neende bane (454).

¹⁶ Aba Ateeri, owamanyihana koti Hesekia, amahumi kataanu-na-kane neende bataanu-na-badatu (98).

¹⁷ Aba Bbesai emia chidatu neende amahumi kabiri neende badatu (323).

¹⁸ Aba Yoora, emia ndala neende ehumi na babiri (112).

¹⁹ Aba Hasumu, emia chibiri neende amahumi kabiri neende badatu (223).

²⁰ Aba Gibbaari, amahumi kataanu-na-kane neende bataanu.

²¹ Aba Bbetilehemu, emia ndala neende amahumi kabiri-na-badatu (123).

²² Abaandu ba Netoofa, amahumi kataanu neende basaasaba.

²³ Aba Anatooti, emia ndala neende amahumi kabiri neende munaane (128).

²⁴ Abeechuhulu ba Asimafeesi, amahumi kane neende babiri.

²⁵ Aba Kiriati Yearimu, Kefira, neende Bberooti, emia chitaanu-na-chibiri neende amahumi kane na badatu (743).

²⁶ Aba Raama neende Gebba, emia chisaasaba neende amahumi kabiri neende mulala (621).

²⁷ Abaandu ba Mikimasi, emia ndala neende amahumi kabiri neende babiri (122).

²⁸ Aba Bbeteli neende Ai, emia chibiri neende amahumi kabiri neende badatu (223).

²⁹ Abeechuhulu ba Nebbo, amahumi kataanu neende babiri (52).

³⁰ Aba Magibbisi, emia ndala neende amahumi kataanu neende basaasaba (156).

³¹ Abaana b'Elamu wuundi, elifu ndala neende emia chibiri neende amahumi kataanu neende bane (1,254).

³² Aba Harimu, emia chidatu neende amahumi kabiri (320).

³³ Aba Loodi, Hadidi neende Ono wuundi, emia chitaanu-na-chibiri neende amahumi kabiri neende bataanu (725).

³⁴ Aba Yeriko, emia chidatu neende amahumi kane neende bataanu (345).

³⁵ Aba Seena, elifu chidatu neende emia chisaasaba neende amahumi kadatu (3,630).

³⁶ Abalaamisi, abeechuhulu ba Yedaya, abomu nyuumba ya Yesua, emia chitaanu-na-chine neende amahumi kataanu-na-kabiri neende badatu (973).

³⁷ Aba Yimeeri, elifu ndala neende amahumi kataanu neende babiri (1,052).

³⁸ Aba Pasuuri, elifu ndala neende emia chibiri neende amahumi kane neende bataanu-na-babiri (1,247).

³⁹ Aba Harimu, elifu ndala neende ehumi neende bataanu-na-babiri (1,017).

⁴⁰ Abaleefi, abeechuhulu ba Yesua neende Kadimieli, ab'abeechuhulu ba Hodafia, amahumi kataanu-na-babiri neende bane.

⁴¹ Abeembi bali, abeechuhulu ba Asafu, emia ndala neende amahumi kabiri na bataanu-na-badatu (128).

⁴² Abeechuhulu b'abaliindi b'ebiruwa bali, aba Saluumu, aba Ateeri, aba Talimooni, aba Akubbu, aba Hatiita, neende aba Sobbai, alala bali emia ndala neende amahumi kadatu neende bataanu-na-bane (139).

⁴³ Abahalaabani bomu nyuumba ya Nasaae bali: Abeechuhulu ba Siiha, Hasufa, Tabboati,

⁴⁴ Kerosi, Siaha, Padoni,

⁴⁵ Lebbana, Hagabba, Akubbu,

⁴⁶ Hagabbu, Samilai, Hanani,

⁴⁷ Gideeli, Gaaha, Reyaaya,

⁴⁸ Resini, Nekoda, Gasamu,

⁴⁹ Wusa, Paseya, Bbesai,

⁵⁰ Asina, Mewuniimu, Nefisimu,

⁵¹ Bbakibbuuku, Hakufa, Harihuuri,

⁵² Bbasiluuti, Mehida, Teema,

⁵³ Bbarikoosi, Siseera, Teema,

⁵⁴ Nesia, neende Hatifa.

⁵⁵ Abeechuhulu b'abahalaabani bali aba Solomooni bali: Sotai, Hasofereeti, Peruda,

⁵⁶ Yaala, Darikooni, Gideeli,

⁵⁷ Sefatia, Hatiili, Pokereti Hasebbaimu, neende Ami.

⁵⁸ Abali abahalaabani bomu Nyuumba ya Nasaae boosi, alala neende abali abeechuhulu baabo abali abahalaabani ba Solomooni boosi bali emia chidatu neende amahumi kataanu-na-kane neende babiri (392).

⁵⁹ Abaloondaho bano nibo abeecha nibatula mu Telimeela, Telihariisa, Kerubbi, Adaani, neende Yimeeri, kata neende nibali nibatanyala ohwomiisa abo abalichiingi mu madaala kaabwe beene kata neende abeechuhulu baabwe beene, nikali mbwe bali nibali bosi aba Yisiraeli:

⁶⁰ Abeechuhulu ba Delaya, Tobbia, neende Nekoda, bali emia chisaasaba neende amahumi kataanu neende babiri (652).

⁶¹ Haandi, abali abeechuhulu ab'abalaamisi bali, abeechuhulu ba Habaya, Hakoosi, neende Bbarisilai (owali niyadeehya mulala hu bahaana ba Bbarisilai Omugileadi, owali nalaangirwa hu liita lyaabwe).

⁶² Bano bakoonyaho ameeta kaabwe mu bwandiike bw'obwibulanwa, nae haba sibanyoolehanayo daawe, mani baamala baalehwa erwaanyi w'obulaamisi ohweema hu obutahoyera bwaabwe.

⁶³ Omutuki w'Esiyudaaya yeecha mani yababoolera ati haba sibahoyera ohulyaaho hu byohulya byali nibiyaaniirwe Nasaae ohwoola lu mulaamisi abaao onyala yeteeba niyehoonyera Urimu neende Tumimu.

⁶⁴ Omukaanda okwo kwoosi alala kwali nikwoosa abaandu elifu amahumi kane neende chibiri, neende emia chidatu neende amahumi kasaasaba (42,360),

⁶⁵ n'otateereho abahalaabani baabwe basaacha neende abahasi, abali niboola elifu chitaanu-na-chibiri neende emia chidatu neende amahumi kadatu neende bataanu-na-babiri (7,337); haandi nabo bali neende abeembi emia chibiri (200) abasaacha alala neende abahasi.

⁶⁶ Bano bali neende efaraasi emia chitaanu-na-chibiri neende amahumi kadatu neende chisaasaba (736), esuhiri enjere emia chibiri neende amahumi kane neende chitaanu (245),

⁶⁷ engamia emia chine neende amahumi kadatu neende chitaanu (435), neende esuhiri ehuluundu elifu chisaasaba neende emia chitaanu-na-chibiri neende amahumi kabiri (6,720).

⁶⁸ Mani abeeruha abo niboola sa bati hu Nyuumba ya Nasaae y'Omwaami mu Yerusalemu, abeemirisi baandi b'enono bayaanayo ebiyaanwa by'ohweheengerao omweene ohuhoonyaho hu mulimo kw'ohwoombaha buyaaha Enyuumba ya Nasaae eyo hu sifwo syayo sihale.

⁶⁹ Batusa koti lu banyala hulw'omulimo kuno, baandi obuhumi bwoola elatiri elifu amahumi kasaasaba neende ndala (61,000) ch'esaabbu, elatiri elifu chitaanu (5,000) ch'efeesa, haandi neende amaganjuula k'abalaamisi emia ndala.

⁷⁰ Mani abalaamisi, Abaleefi, alala neende abaandu baandi abali nibamenya mu Yerusalemu neende aambi ao, haandi neende abeembi, abaliindi bohu biruwa, neende abahalaabani bomu nyuumba ya Nasaae bamenyaanga mu siko syaabwe esyo, haandi neende Yisiraeli yoosi mu buli biko byaabwe.