Esabbuli 93 - EBBAIBBO EMBOOSI YA NASAAE

Nasaae niye Omutuki

¹ Omwaami niye omutuki weefwe; w'obunyala niye; Omwaami yefwaalire, yeboyere oluyaali. Omwaami yomiisa esyaalo; haba sisinyala hudengaana daawe.

² Ewe Omwaami, esisaala sy'obutuki syao syomiila ohutula hale-na-haandi; ewe oli ow'ohubaao endaalo choosi pe.

³ Enyaanja yiyiire, Ewe Omwaami, yisingiise efwiinda mani yi woola-buwoola.

⁴ Omwaami atukira Muukulu w'amaani, ahira kata ohuwoola hw'enyaanja, ahira neende ohuwoola hw'efiinda chomu nyaanja choosi.

⁵ Ewe Omwaami, bi walagira haba sibikaluuhanaanga daawe. Obwoolerefu buhoyera Enyuumba yao, endaalo choosi pe.