Biblia Todo Logo
Bìoball air-loidhne

- Sanasan -

Esabbuli 52 - EBBAIBBO EMBOOSI YA NASAAE

1 Lwasiina wehuduumbasa, ewe omuundu w'amaani, hulw'ebibi by'ohola abaandu ba Nasaae? Oludaalo lwoosi

2 otekehaanga ohusihirisa abaandi. Olulimi lwao luli koti olumwo lwooki, odaha muno eby'obubacha.

3 Waheera ebibi ohuhiraho ebilai, haandi waheera obubacha ohuhiraho ohulomaloma obwadyeeri.

4 Ewe haandi waheera ohuwumisaanga abaasyo neende emboosi, omubacha ewe!

5 Nae Nasaae achia ohuhusihirisa endaalo choosi, achia ohuhusobolayo ahutuse mu yeema lyao, mani amale ahubosyoolemo ebituundu; achia ohuhwiiya ahutuse mu syaalo sy'abalamu.

6 Abaluungifu bachia ohuhubona mani batye, haandi bachia ohuhucheha nibaboola bati,

7 “Bone omuundu otanyala ohubukula Nasaae ohuba obwiiruhiro bwae, nae oweesikaanga obuungi bw'emyaandu kyae, haandi owakonyaanga ohweesika obuyiinda bwae!”

8 Nae ese ndi koti omusaala museituuni okwa bunyaasi okwahulira mu nyuumba ya Nasaae. Ndesikaanga obuheeri bwa Nasaae butaakama endaalo neende endaalo choosi pe.

9 Ese njia ohuhweebasaanga endaalo choosi pe, olwohuba ewe niiwe owasiiholera otyo. Ese njia ohuyalaanga eliita lyao mu moni w'abaandu bao, olwohuba lai nilyo.

©Bible Society of Kenya, 2019

©Bible Society of Uganda, 2019

Bible Society of Uganda
Lean sinn:



Sanasan