Esabbuli 13 - EBBAIBBO EMBOOSI YA NASAAEEsaala y'ohusaba obuhoonyi 1 Ewe Omwaami, wahaanjibirire ohwoola liina? Wahandeekise ohwoola liina? 2 Ndahesimiirise neende obuchuuni buli mu mwooyo kwaange ohwoola liina? Mani ndadoong'a nindeelalihirire endi oludaalo lwoosi? Abasuku baange bahandeeninisiryeho ohwoola liina? 3 Ewe Omwaami Nasaae waange, mbaaseho mani wuungobolemo; nemyeho omwooyo, mani haye ohufwa; 4 ataali ao, abasuku baange bachia ohuboola bati, “Mbao humuyiingiire.” Ataali ao, abasuku baange bachia ohusangaala olwohuba ndataalire. 5 Nae ese ndeesikire obuheeri bwao butaakama; omwooyo kwaange kuchia ohwehoyera mu buwonia bwao. 6 Njia ohweembera Omwaami, olwohuba yaholeere ebilai biingi. |