Yeremia 45 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

Bi Nasaae yasuubisa Bbaruku

¹ Mu mwaaka kwohune kw'obutuki bwa Yehoyakimu omwaana wa Yosia, omutuki wa Buyudaaya, Bbaruku yandiika emboosi koti lu ndamuboolera. Mani nimuboolera endi:

² “Omwaami, Nasaae wa Yisiraeli, ahuboolera ewe Bbaruku ati:

³ waboola oti: ‘Chiinjakaanire! Olwohuba Omwaami ameedere engisa hu saando yaange; njoong'ere neende ohwekanyiirisa, haandi mbula obuwuluuhiro kata nabudiidi.’

⁴ Mani chia omuboolere oti, Omwaami aboola ati: Bone, ndikula si ndoombaha, haandi njiya si ndataaka. Njia ohuhola endyo mu syaalo syoosi.

⁵ Nae ewe oli ohukoonya ohweniinia omweene, obituleho; olwohuba bona, ndi ohuleeta amasira hu buli muundu. Nae ewe, hamaahiri njia ohuhuberesa obulamu bwao bube koti omukabo kw'ebiita buli abuundu y'onachicheenge, Omwaami aboola.”