Ohubala 29 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

Ebiyaanwa biba hu sidyaalo sy'omwaaka muyaaha

¹ Hu ludaalo lutaangira olw'omwoosi kwa hataanu-na-habiri muhoyere ohwebusaanga alala ohwiinamira Nasaae, mani abulao omulimo kwoosi okuhoyere ohuholwa. Hu ludaalo olwo, eturumbete chihoyere ohuubbwa.

² Yireenge esiyaanwa sisaambwa eyiri Omwaami, esaami yimusangaasa: eng'oombe surusi njere ndala, ekoondi emiiku lala, neende amakoondi mayere kataanu-na-kabiri amayere, amasaacha ak'omwaaka mulala obuhuluundu, bino byoosi nibibulaho obufwoolwa bwoosi.

³ Yaneenge esiyaanwa sihoyera esy'emere esy'obusye busaasaniiswe neende amafuta k'enaasi: ekiloguraamu chidatu ech'obusye echichiira hu ng'oombe surusi ndala, ekiloguraamu chibiri hu koondi miiku lala,

⁴ neende ekiloguraamu ndala niyichiira hu buli koondi yere.

⁵ Haandi yaneenge embusi hole ndala koti esiyaanwa sy'esyonoono, mani mu ngira yino, muholaanga omuduunga kw'ohulabisibwa hulw'abaandu.

⁶ Yaneenge bino byoosi ohumeeda hu esiyaanwa sisaambwa sya buli nyaanga sy'emere haandi neende esiyaanwa sy'efiini. Ebiyaanwa by'ebyohulya bino, nibyo eby'esaami yisangaasa Omwaami.

Ebiyaanwa biba hu sidyaalo sy'ohusaasania

⁷ Mwebuuseenge ohwiinamira Omwaami hu ludaalo lw'ehumi, mw'omwoosi kwa hataanu-na-habiri; mutalichaangaho esyohulya syoosi, haandi mutaholaangaho omulimo kwoosi daawe.

⁸ Yaneenge esiyaanwa sisaambwa eyiri Omwaami, esaami yimusangaasa: eng'oombe surusi njere ndala, ekoondi emiiku lala, neende amakoondi mayere kataanu-na-kabiri amasaacha ak'omwaaka mulala obuhuluundu, bino byoosi nibibulaho obufwoolwa bwoosi.

⁹ Yaneenge esiyaanwa sihoyera esy'emere esy'obusye busaasaniiswe neende amafuta k'enaasi: ekiloguraamu chidatu ech'obusye echichiira hu ng'oombe surusi ndala, ekiloguraamu chibiri hu koondi miiku lala,

¹⁰ neende ekiloguraamu ndala niyichiira hu buli koondi yere.

¹¹ Haandi yaneenge embusi hole ndala koti esiyaanwa sy'esyonoono, ohumeeda hu mbusi yiba niyiyaanirwe mu sidyaalo sy'ohulabisibwa hulw'abaandu, haandi hu esiyaanwa sisaambwa sya buli ludaalo alala neende esiyaanwa sy'efiini.

Ebiyaanwa biba hu sidyaalo sy'ebikaali

¹² Mwebuuseenge ohwiinamira Nasaae hu buli ludaalo lw'ehumi-na-hataanu olw'omwoosi kwa hataanu-na-habiri. Huseenge esidyaalo sino ohwiisa oluyaali mu Omwaami endaalo chitaanu-na-chibiri enaamba nimutaholaho omulimo kwoosi daawe.

¹³ Hu ludaalo lutaangira luno, yaneenge esiyaanwa sy'ebyohulya eyiri Omwaami, esaami yimusangaasa: eng'oombe surusi njere ehumi neende chidatu, amakoondi mamiiku kabiri, neende amakoondi mayere masaacha ehumi neende kadatu ak'omwaaka mulala obuhuluundu, byoosi bino nibibulaho obufwoolwa bwoosi.

¹⁴ Yaneenge esiyaanwa sihoyera esy'emere esy'obusye busaasaniiswe neende amafuta k'enaasi: ekiloguraamu chidatu ech'obusye echichiira hu ng'oombe surusi ndala, ekiloguraamu chibiri hu koondi miiku lala,

¹⁵ neende ekiloguraamu ndala niyichiira hu buli koondi yere.

¹⁶ Haandi yaneenge embusi hole ndala koti esiyaanwa sy'esyonoono, ohumeeda hu mbusi yiba niyiyaanirwe mu muduunga kw'ohulabya hulw'abaandu, haandi hu esiyaanwa sisaambwa sya buli ludaalo alala neende esiyaanwa sy'efiini.

¹⁷ Hu ludaalo lwa habiri yaneenge esurusi njere ehumi neende chibiri, amakoondi mamiiku kabiri, neende amakoondi mayere masaacha ehumi neende kane ak'omwaaka mulala obuhuluundu, byoosi bino nitaali obufwoolwa bwoosi.

¹⁸ Yaneenge esiyaanwa sihoyera esy'emere esy'obusye busaasaniiswe neende amafuta k'enaasi: ekiloguraamu chidatu ech'obusye echichiira hu ng'oombe surusi ndala, ekiloguraamu chibiri hu koondi miiku lala, neende ekiloguraamu ndala niyichiira hu buli koondi yere.

¹⁹ Haandi yaneenge embusi hole ndala koti esiyaanwa sy'esyonoono, ohumeeda hu mbusi yiba niyiyaanirwe mu muduunga kw'ohulabya hulw'abaandu, haandi hu esiyaanwa sisaambwa sya buli ludaalo alala neende esiyaanwa sy'efiini.

²⁰ Hu ludaalo lw'ehumi neende lulala, esurusi njere ehumi neende ndala, amakoondi mamiiku kabiri, neende amakoondi mayere masaacha ehumi neende kane ak'omwaaka mulala obuhuluundu byoosi ebitaaliho obufwoolwa bwoosi daawe.

²¹ Yaneenge esiyaanwa sihoyera esy'emere esy'obusye saasaniiswe neende amafuta k'enaasi: ekiloguraamu chidatu ech'obusye echichiira hu ng'oombe surusi ndala, ekiloguraamu chibiri hu koondi miiku lala, neende ekiloguraamu ndala niyichiira hu buli koondi yere.

²² Haandi yaneenge embusi hole ndala koti esiyaanwa sy'esyonoono, ohumeeda hu mbusi yiba niyiyaanirwe mu muduunga kw'ohulabya hulw'abaandu, haandi hu esiyaanwa sisaambwa sya buli ludaalo alala neende esiyaanwa sy'efiini.

²³ Hu ludaalo lwa hane, yaneenge eng'oombe surusi njere ehumi, amakoondi mamiiku kabiri, neende amakoondi mayere masaacha ehumi neende kane ak'omwaami mulala obuhuluundu, bino byoosi nibibulaho obufwoolwa bwoosi.

²⁴ Yaneenge esiyaanwa sihoyera esy'emere esy'obusye busaasaniiswe neende amafuta k'enaasi: ekiloguraamu chidatu ech'obusye echichiira hu ng'oombe surusi ndala, ekiloguraamu chibiri hu koondi miiku lala, neende ekiloguraamu ndala niyichiira hu buli koondi yere.

²⁵ Haandi yaneenge embusi hole ndala koti esiyaanwa sy'esyonoono, ohumeeda hu mbusi yiba niyiyaanirwe mu muduunga kw'ohulabya hulw'abaandu, haandi hu esiyaanwa sisaambwa sya buli ludaalo alala neende esiyaanwa sy'efiini.

²⁶ Hu ludaalo lwa hataanu, yaneenge eng'oombe surusi njere chitaanu-na-chine, amakoondi mamiiku kabiri, neende amakoondi mayere masaacha ehumi neende kane ak'omwaaka mulala obuhuluundu, byoosi ebitaaliho obufwoolwa bwoosi.

²⁷ Yaneenge esiyaanwa sihoyera esy'emere esy'obusye busaasaniiswe neende amafuta k'enaasi: ekiloguraamu chidatu ech'obusye echichiira hu ng'oombe surusi ndala, ekiloguraamu chibiri hu koondi miiku lala, neende ekiloguraamu ndala niyichiira hu buli koondi yere.

²⁸ Haandi yaneenge embusi hole ndala koti esiyaanwa sy'esyonoono, ohumeeda hu mbusi yiba niyiyaanirwe mu muduunga kw'ohulabya hulw'abaandu, haandi hu esiyaanwa sisaambwa sya buli ludaalo alala neende esiyaanwa sy'efiini.

²⁹ Hu ludaalo lwa hasaasaba, eng'oombe surusi njere chitaanu-na-chidatu, amakoondi mamiiku kabiri, neende amakoondi mayere masaacha ehumi neende kane ak'omwaaka mulala obuhuluundu, byoosi ebitaaliho obufwoolwa bwoosi.

³⁰ Yaneenge esiyaanwa sihoyera esy'emere esy'obusye busaasaniiswe neende amafuta k'enaasi: ekiloguraamu chidatu ech'obusye echichiira hu ng'oombe surusi ndala, ekiloguraamu chibiri hu koondi miiku lala, neende ekiloguraamu ndala niyichiira hu buli koondi yere.

³¹ Haandi yaneenge embusi hole ndala koti esiyaanwa sy'esyonoono, ohumeeda hu mbusi yiba niyiyaanirwe mu muduunga kw'ohulabya hulw'abaandu, haandi hu esiyaanwa sisaambwa sya buli ludaalo alala neende esiyaanwa sy'efiini.

³² Hu ludaalo lwa hataanu-na-habiri, eng'oombe surusi njere chitaanu-na-chidatu, amakoondi mamiiku kabiri, neende amakoondi mayere masaacha ehumi neende kane ak'omwaaka mulala obuhuluundu, byoosi ebitaaliho obufwoolwa bwoosi.

³³ Yaneenge esiyaanwa sihoyera esy'emere esy'obusye saasaniiswe neende amafuta k'enaasi: ekiloguraamu chidatu ech'obusye echichiira hu ng'oombe surusi ndala, ekiloguraamu chibiri hu koondi miiku lala, neende ekiloguraamu ndala niyichiira hu buli koondi yere.

³⁴ Haandi yaneenge embusi hole ndala koti esiyaanwa sy'esyonoono, ohumeeda hu mbusi yiba niyiyaanirwe mu muduunga kw'ohulabya hulw'abaandu, haandi hu esiyaanwa sisaambwa sya buli ludaalo alala neende esiyaanwa sy'efiini.

³⁵ Hu ludaalo lwa hataanu-na-hadatu, mwehung'anienge ohwiinamira Omwaami, mani muhaye ohuholaho omulimo kuundi kwoosi daawe.

³⁶ Yaneenge esiyaanwa sisaambe koti esiyaanwa sy'ebyohulya eyiri Omwaami, esaami yimusangaasa: eng'oombe surusi njere ndala, ekoondi emiiku lala, amakoondi mayere masaacha kataanu-na-kabiri ak'omwaaka mulala obuhuluundu, byoosi ebibulaho obufwoolwa bwoosi.

³⁷ Yaneenge esiyaanwa sihoyera esy'emere esy'obusye busaasaniiswe neende amafuta k'enaasi: ekiloguraamu chidatu ech'obusye echichiira hu ng'oombe surusi ndala, ekiloguraamu chibiri hu koondi miiku lala, neende ekiloguraamu ndala niyichiira hu buli koondi yere.

³⁸ Haandi yaneenge embusi hole ndala koti esiyaanwa sy'esyonoono, ohumeeda hu mbusi yiba niyiyaanirwe mu muduunga kw'ohulabya hulw'abaandu, haandi hu esiyaanwa sisaambwa sya buli ludaalo alala neende esiyaanwa sy'efiini.

³⁹ Bino nibyo ebilagiro ebidiira hu biyaanwa bisaambwa, ebiyaanwa by'emere, ebiyaanwa by'efiini, neende ebiyaanwa by'ohuholegana bi muhoyere ohuyanaanga eyiri Omwaami, mu bidyaalo byeeng'we byateebwao. Bino by'ohumeeda hu biyaanwa bi mukabaanga ohwooseresaanga ebichubo oba koti sa ebiyaanwa by'ebihaya.

⁴⁰ Musa yeemao yaaboolera abaandu ba Yisiraeli buli siindu si Omwaami yali naamulagiire.