Malaki 4 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

Oludaalo lw'Omwaami luli aambi ohwoola

¹ Omwaami w'Obunyala aboola ati: “Olwohuba bone, oludaalo luli ohwiicha, olwaaduha koti etanuuru, lu abo abehuduumbasa neende abonooni bachia ohusambirwaho koti ebikoha. Hu ludaalo olwo, bahasaambwe mani basihirisirwe elalira, mani bahaye ohudoong'ao kata esituundu silala.”

² Nae eng'we abanjisamo oluyaali, obunyala bwaang'we buwonia bwahatuleyo koti elyuuba ly'obuluungifu, eliri neende amaani kawonia mu hwaaduha hwaalyo. Mwahabe mu muleembe, mani mwaaduumakala koti emoosi ndooto mu ehoonge.

³ Hu ludaalo lu ndahaholereho esyo, mwahayiingire ababi, olwohuba mwahabaseenakire mu makulu koti abaseenakira ekohe.

⁴ Mwiichulise ebyo bi omuhalaabani waange Musa yabeekesa koti amalako neende ebilagiro, bindamuberesera hu Lugulu lwa Sinai, abiberese Abaisiraeli.

⁵ Bone, oludaalo ludinyu lw'Omwaami nilusisiiri ohwoola, njia ohubatumira Elija omunabbi.

⁶ Mani achia ohuleeta alala balataang'ene baana neende abaana baabwe, mani haye ohwiichia ohusihirisira elalira esyaalo syae.