Esabbuli 97 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

Nasaae Omutuki Ohiramo

¹ Omwaami niye omutuki! Leha esyaalo syehoye! Mwehoye eng'we abaandu bamenya hu bisiinga byomu nyaanja!

² Amaleesi neende esiirima bimwebodoohanie; atuka abaandu mu buluungifu neende mubwadyeeri.

³ Omuliro nikwo okumwiimirira yachiira haandi kusaamba abasuku baba nibamwebodoohanie.

⁴ Olumesu lwae luhosa esyaalo syoosi; mani abaandu boosi nibalubonaho bateengereha-buteengereha.

⁵ Engulu chisaanguluha koti ewula mu moni w'Omwaami, eyiri Omwaami otuka esyaalo syoosi.

⁶ Ekulu lyeekesa obuluungifu bwae, haandi abaandu boosi babona oluyaali lwae.

⁷ Buli muundu owiinamira ebiloongaloongwe; neende abo abehoyera mu banasaae bataali abadyeeri, esoni chahabadiire; banasaae boosi beenamire Omwaami.

⁸ Ewe Omwaami, baandu bomu Siyooni basaangaafu, haandi abomu biko bya Yuda beehoya olw'ohuwulira emisaango ky'oheenga.

⁹ Omwaami w'Obunyala, ewe niiwe otuka esyaalo syoosi; okinisibwe ohuhira banasaae boosi.

¹⁰ Eng'we abadaha Omwaami, syuule ebibi; Omwaami aliindaanga obulamu bw'abaandu bae balai, abanunula ohutula mu bunyala bw'abahola-mbi.

¹¹ Obulafu bwaaduhira abaluungifu, haandi esangaalo liba neende ab'emyooyo miluungifu.

¹² Eng'we mweesi abaluungifu musangaale hulw'ebiindu bilai bi Omwaami yahola. Mweebase eliita lyae lyoolerefu.