Esabbuli 82 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

Nasaae Omutuki ohiramo

¹ Nasaae niye ohulira oluhiiho lwo Muukulu; niye oheenga emisaango mu banasaae ati,

² “Wahaake yeena ohuheenga emisaango ataali obwadyeeri neende ohweehubbira hu lwaande lw'abahola-mbi?

³ Mukayirireenge abamanani neende bamulehwa; bereseenge abali mu ngisa neende banaambula-buchiiro ebyo ebibahoyera.

⁴ Mwabineenge abakata neende abali mu ngisa; mubanunule ohutula mu bunyala bw'abahola-mbi.”

⁵ Sibulao si mumanyire, haba simutegeera daawe. Mukeendera mu siirima; mumalireo obwadyeeri mu syaalo.

⁶ Ese ndaboola endi, “Eng'we muli banasaae, mweesi muli abaana b'oyo ow'Aakulu Muno.

⁷ Nae mwahafwe koti abaandu, obulamu bweeng'we koti obw'omwaana w'omutuki yeesi.”

⁸ Siingira Ewe Nasaae, yiichia oheengere esyaalo omusaango; olwohuba ebyaalo byoosi byao nibyo!