Biblia Todo Logo
Bìoball air-loidhne

- Sanasan -

Esabbuli 8 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO


Oluyaali lwa Nasaae, neende obulai bw'abaandu

1 Ewe Omwaami, Omwaami weefwe, eliita lyao nga ly'amaani muno mu syaalo syoosi! Ewe yi luyaali lwao lufumisibwa ohwoola aakulu Muukulu;

2 neende abaana bayere alala neende abadoto. Abasuku bao bakera woombaha olukaka lw'amaani, ohwakamya abasuku abo neende abo abadaha ohuhwetuunga.

3 Nindewuunja Ekulu lyao, omulimo kw'amahono kao, omwoosi neende eng'ining'ini, bi ewe wataao,

4 nae omuundu niye wiina mweene yobaasaho, omuundu ofwa sa, lwasiina omudeebaho?

5 Nae ewe wamuhola yaaba aambi ohuba koti Nasaae. Wamudwiiha oluyaali neende obuhunuufu.

6 Wamuberesa obunyala bw'ohutuka ebiindu byoosi bi waloonga. Ebiindu byoosi wabita mu bunyala bwae,

7 amakoondi koosi neende endaawu choosi, neende ebisolo biteende byoosi,

8 amayoni kabburuha, neende eng'eeni chomu nyaanja, neende buli siindu sikeendera mu maachi syoosi.

9 Ewe Omwaami, Omwaami weefwe, eliita lyao hunuufu muno mu syaalo syoosi!

©Bible Society of Kenya, 2019

©Bible Society of Uganda, 2019

Bible Society of Uganda
Lean sinn:



Sanasan