Esabbuli 67 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKOOlweembo lw'ohweebasa 1 Lehe Nasaae atukwiira esisa, mani atuberesa ehabi haandi otutiingaale neende emoni chao ch'esisa, 2 hu syaalo syooosi sinyale ohumanya by'odaha, obunyala bwao buwonia obuli mu byaalo byoosi. 3 Lehe abaandu bahufumie, Ewe Nasaae; lehe abaandu boosi bahufumie! 4 Lehe ebyaalo bisangaale, haandi byeembe neende esangaalo, olwohuba ewe oheengeraanga abaandu omusaango neende obwadyeeri haandi oluungiha ebyaalo biri hu syaalo huno. 5 Lehe abaandu bahufumie, ewe Nasaae; lehe abaandu boosi bahufumie! 6 Esyaalo simalire ohwaamia ebyaamo byasyo mu buungi; Nasaae, Nasaae weefwe, atubereese ehabi. 7 Nasaae atubereese ehabi; lehe esyaalo syoosi asyaakiire syoosi simwiisemo oluyaali! |