Esabbuli 61 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKOEsaala y'ohusaba obuliindi 1 Ewe Nasaae, wulira ohulira hwaange, tekeeresa esaala yaange; 2 ohutulira elalira yi syaalo syaakama, ese hulirira, omwooyo kwaange nikuweeremo amaani. Ewe nyemereremo wuunjire hu lwaanda luhiraho obuleeyi; 3 olwohuba ewe niiwe obwiiruhiro bwaange, olukaka lw'amaani oyiingira abasuku baange. 4 Leha mani menye mu yeema yao endaalo choosi pe! Leha hube mu muleembe mu bweyikamo sy'embaya chao! 5 Olwohuba ewe, Ewe Nasaae, omalire ohuwulira bi suubiise, ewe wamala ohuumberesa obusiha bwaabo abatya eliita lyao. 6 Meeda obulamu bw'omutuki; leha emyaaka kyae kiyiindire ohwoola hu njibulo choosi! 7 Leha atuke naali mu moni wa Nasaae endaalo choosi; muliinde neende obuheeri butaakama, alala neende obweesikwa! 8 Mani sakira ese njia ohweemba niifumia eliita lyao, haandi koti lu njoseresa ebisuubise byaange buli ludaalo. |