Esabbuli 43 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKOEsaala y'omuundu oli mu buwaambe 1 Ewe Nasaae, heengere omusaango, mani hire abasuku baange batatya Nasaae; monie abaandu babacha haandi abataali neende obwadyeeri! 2 Olwohuba niiwe Nasaae yi nyoolamo obweyikamo; lwasiina wusuukune? Lwasiina ndirikana endi abasuku baange nibasaandya? 3 Beerese obulafu bwao neende obwadyeeri bwao; leha biinyemerere, leha biindeete hu lugulu lwao lwoolerefu eyo yomenya! 4 Mani njia ohuchia hu alutaari ya Nasaae, ewe Nasaae wusangaasa muno; mani njia ohuhufumia neende obuhana, Ewe Nasaae, Nasaae waange. 5 Nae bulaanu, lwasiina engisa yinjichuule hu mwooyo, haandi lwasiina ndeeyendeherera? Handeesike Nasaae; olwohuba njia ohumufumia, omuhoonyi waange haandi Nasaae waange. |