Biblia Todo Logo
Bìoball air-loidhne

- Sanasan -

Esabbuli 28 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO


Esaala y'ohusaba obuhoonyi.

1 Husaba ewe Omwaami, mbulire; niiwe omusiingi kwaange, otabuleera sa, ataali ao, n'otangobolamo, njia ohuba koti abo abachia emakoombe.

2 Ewe Omwaami, bulira ekono ly'ohulira hwaange, koti lu hulirira wuhoonye, koti lu siingisa aakulu amahono kaange eyiri obwiihalo bwao woolerefu.

3 Ewe Omwaami otanjirira alala neende ababi, alala neende abahola-mbi, abalomaloma bulai neende abaasye, nae mu myooyo kyaabwe, beechula obusuku.

4 Basaandye ohuchianakana neende ebiholwa byaabwe, ohuchianakana neende obubi bw'ebiholwa byaabwe; basaandye ohuchianakana neende emirimo ky'amahono kaabwe; baberese omukabo kubahoyera.

5 Koti lu batadeeba hu biindu bi Omwaami ahola, oba omulimo kw'amahono kae, achia ohubafunaka-funaka mani ahaye ohuboombaha haandi.

6 Lehe Omwaami afumisibwe! Olwohuba awuliire ekono ly'ohulira hwaange.

7 Omwaami niye amaani kaange neende engabo yaange; niye yi mwooyo kwaange kweesika; mani yahoonyere, sakira sangaala mani ndaamweembera olweembo nimweebasa.

8 Omwaami niye amaani k'abaandu bae, haandi niye owaabina omudoole wae.

9 Ewe Omwaami, wonia abaandu bao, haandi beresa abaandu bao ehabi; niiwe ohoyere ohubechaanga omwaayi waabwe, haandi obaliindeenge endaalo choosi.

©Bible Society of Kenya, 2019

©Bible Society of Uganda, 2019

Bible Society of Uganda
Lean sinn:



Sanasan