Esabbuli 2 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

Omutuki yi Nasaae yadoola

¹ Lwasiina ebyaalo bikwa alala, haandi abaandu bakiiya abasyaabwe ataali esifune syoosi?

² Abatuki b'esyaalo beetekeha abeene, haandi abeemeresi beteebanaho abeene-na-beene, nibayiingania omubahwe mafuta w'Omwaami nibaboola bati,

³ “Lehe abeene hutule mu buboye bweefwe buno, mani hweboolole emikoye kino.”

⁴ Nae Omwaami acheha sa naali Muukulu; alekeeresa endekeha chaabwe chibulamo obuhoonyi.

⁵ Mani achia ohulomaloma nabo naali neende etima, haandi abatiise neende obwaalaba bwae n'aboola ati,

⁶ “Malire ohwiihasa omutuki waange hu Siyooni, olugulu lwaange lwoolerefu.”

⁷ Njia ohulaangirira amalako k'Omwaami: Omweene yamboolera ati, “Niiwe Omwaana waange, enyaanga yino hwibuule.”

⁸ Sabe mani njia ohuhuberesa ebyaalo bibe ebyao, haandi esyaalo syoosi sichia ohuba esyao.

⁹ Ochia ohubafunaka neende endawusi y'esichuma, mani obanyoonyobole koti endamu y'omuloongi.

¹⁰ Sakira, eng'we abatuki, mube abakesi; haandi eng'we abeemeresi b'esyaalo, mulabuhe!

¹¹ Halaabanire Omwaami neende ohutya, alala neende oluteengo.

¹² Mukwe mu makulu kae, ataali ao, etima lichia ohumudiira mani musihirire nibusisiiri; olwohuba anyooleswaanga bwaangu muno. Bali neende ehabi abo boosi abeeruhiraanga yaali ohunyoola obweyikamo.