Esabbuli 15 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

Ebiindu bi Nasaae adaha

¹ Ewe Omwaami, wiina mweene ohoyera ohwiingira mu yeema lyao? Wiina mweene ohoyera ohumenya hu sigulu syao syoolerefu?

² Oyo owutaaliho omusaango, haandi owuholaanga ebiluungifu, haandi owulomalomaanga obwadyeeri ohutula mu mwooyo kwae;

³ oyo owutadoondobanaanga mu nomanoma yae, haandi otaholaanga owaasye esibi, oba yaabachira owaasye.

⁴ Oyo owulekeeresaanga abatatya Nasaae, nae owiisaanga oluyaali mu baandu batya Omwaami. Owesimiirisiraanga ebidinyu byae mani ahaya ohukaluuhana,

⁵ owutewosaanga owaasye n'adahiraho amagoba, haandi owutahakuliirirwa hulw'omuundu obulaho omusaango. Oyo yeesi owuhola ebiindu bino byoosi, achia ohubechaanga bulai endaalo choosi.