Esabbuli 149 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

Olweembo lw'ohukinia

¹ Kinie Omwaami! Mweembere Omwaami olweembo luyaaha; mumukinie mu lwiichuule lw'abaandu bae beesikwa!

² Leha Yisiraeli asangaale hulw'ebyo bi muloongi wao yahola. Eng'we abaandu ba Siyooni, musangaalire omutuki weeng'we!

³ Kinie eliita lyae nimuhina; nimuhubba eng'oma neende obuhana.

⁴ Olwohuba Omwaami asangaalira abaandu bae; yeesa oluyaali mu baloonga mani n'ababeresa ohuyiingira.

⁵ Lehe abaandu beesika Omwaami basangaale muno, olwohuba bayiingiire; lehe beembe nibali hu buliri hulw'esaangaalo.

⁶ Lehe beembere mu kono ly'aakulu nibakinia Nasaae, nibadiirire engaanga njoki mu mahono

⁷ nibaseeta ohwetuunga hu ebyaalo, haandi neende ohusaandya abaandu baandi;

⁸ ohuboya abatuki baabwe neende eminyororo, haandi neende ohuboya abeemirisi baabwe neende epiingo;

⁹ hu banyale ohwooseresa eheenga y'emisaango eyabateerwao. Olwo nilwo oluyaali lw'abeesikwa bae. Kinie Omwaami!