Esabbuli 142 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO1 Ndirira Omwaami, mwekweeda ahoonye. 2 Muboolera ohwekanyiirisa hwaange hwoosi; mweekesa ebidinyu byaange byoosi. 3 Niimba aambi ohuwaamo omwooyo, aba amalire ohumanya si hoyera ohuhola. Hu ngira yi mbitaho, batekereho omuteego. 4 Nindewuunja hu ndulo, mbona endi abulao odeebayo daawe. Abulao abuundu yi njiruhira, abulao omuundu kata mulala owuunjuunirwa. 5 Ewe Omwaami, hulirira; mboola endi niiwe obwiiruhiro bwaange, niiwe omukabo kwaange mu syaalo sy'abalamu. 6 Wulira ohusaba hwaange; olwohuba njibiire muno. Monie wuunduse hu basuku baange; olwohuba baahirira elalira amaani. 7 Nduseho esibeera syaange sino; mani hunyale ohuhuhweebasa! Abaluungifu bao bandebodoohaanie; hulw'ebilai biingi muno by'oholeere. |