Esabbuli 137 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKOAmaliro k'Abaisiraeli nibali mu buwaambe 1 Aambi neende emyaalo kya Bbabbilooni, niyo yi hweehala nihulira amasika, nihweechulisa Siyooni. 2 Hu misaala kyalichiingi aambi ao hwaanihaho obuhana bweefwe. 3 Abali nibatuwaamba batuboolera ohweemba; batusaba enyembo abatusaandya batuboolera ohubasangaasa bati: “Mutweembereho enyembo cha Siyooni!” 4 Hunyala hutye ohweemba olweembo lw'Omwaami nihuli mu syaalo sitaali esyeefwe? 5 Nihwiibirira, ewe Yerusalemu, leha omuhono kwaange muluungi kufwiiririre! 6 Leha olulimi lwaange lwaande mu sisinini, nitahwiichulisa, oba nitahudahaanga ohuhira ebiindu byoosi! 7 Ewe Omwaami, yichulisaho ab'Edomu si bahola hu ludaalo lu Yerusalemu syawaambibwa, koti lu baboola bati, “Musisihirise, musisihirise sikwiire elalira aasi!” 8 Ewe Bbabbilooni, ochia ohusihiriswa weesi. W'ehabi oyo owahadiire abaana bao bayere ebiindu biwatuhola 9 abo abapeeya abaana badoto bao mani nibabasaasakulira hu lwaanda. |