Esabbuli 130 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

Esaala y'ohusaba obuhoonyi

¹ Ewe Omwaami, hulirira ohweema hu bidinyu bi ndimo!

² Ewe Omwaami, wulira amaliro kaange; Wulira koti lu saba obuhoonyi.

³ Ewe Omwaami, oba n'otingaala ebyonoono byeefwe, wiina mweene otahahirirwa omusaango?

⁴ Nae ewe otuleheramo, hu hunyale ohuhwiisangamo oluyaali.

⁵ Niinda neende omwooyo kwaange kwoosi Omwaami ohuhoonya haandi ndeesika emboosi yae.

⁶ Niinda Omwaami ohuhiraho abaliindi koti lu baliinda obwiire ohuhya.

⁷ Yisiraeli, weesikeenge Omwaami! Olwohuba w'obuheeri haandi buli siha, mweetekefu ohutununula.

⁸ Omwaami yahanunule Yisiraeli ohubatusa mu byonoono byaabwe byoosi.