Esabbuli 129 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

Esaala y'ohusabira abasuku ba Yisiraeli

¹ Leha Yisiraeli bulaanu aboole ati, “Ohutula mubuyere bwaange, baasaandiisye amahabi maangi muno.

² “Ohutulira elalira mubuyere bwaange, abasuku baange basaandiisye amahabi maangi muno, nae kata katyo haba sibanyiingiire daawe.

³ Baheenga ekiheenge kyoloberera mu mukoongo kwaange baakuhola kwaaba koti endalo yirimirwe neende eng'oombe.”

⁴ Nae Omwaami muluungifu niye, yahalaka emikoye ky'abahola-mbi.

⁵ Buli muundu wasyuula Siyooni ahoya yaayiingirwa mani yaakaluswa enyuma.

⁶ Leha babe koti obunyaasi bumera hu sirama sy'enyuumba, obwooma nibusisiiri ohuhula daawe.

⁷ Abulao omuundu yeesi onyala yaabuheenga yaabubuusa alala, oba yaabuboya mu njole.

⁸ Abulao oyo obita aambi ao onyala ohuboola ati, “Omwaami ahoya yaahuberesa ehabi! Hubaberesa ehabi mu liita ly'Omwaami.”