Esabbuli 127 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

Muhukinia obulai bwa Nasaae

¹ Omwaami nataali niye owoombaha enyuumba, aboombahi badidiihanira bihaya byeene; Omwaami naaba nataali niye oliindire esiko, abaliindi banyahanira bihaya byeene nibamoka.

² Sibulamo obuhoonyi ohudiidihana muno onyoole esyohulya, nowuuna ohusiingira mu buliri nibutaahya bulai, haandi mani niweyalisa esiro akatikaati. Olwohuba abo ba Omwaami adaha, ababeresa nibasiikona.

³ Bone, ohwiibula abaana siyaanwa ohutula eyiri Omwaami; mubwadyeeri bweene, siyaanwa nisyo.

⁴ Abaana ba muundu yeebula mu buraaga, baba koti obusaale mu mahono k'omulwaani w'amaani.

⁵ W'ehabi oyo oli neende obusaale koti obwomu buungi, Niyahasoolane neende abasuku bae hu biruwa, haba siyahadiirwe esoni daawe.