Esabbuli 124 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

Nasaae niye oliinda abaandu bae

¹ Omwaami aba n'ataali hu lwaande lweefwe, leha Yisiraeli bulaanu alomalome,

² Omwaami aba n'ataali hu lwaande lweefwe, abasuku beefwe nibatuseeta,

³ bahatumirire nihusisiiri abalamu, ohweema hu tima ly'egiili li bali nalyo nibatudiira.

⁴ Ehulukusi yahatweyereo yatusukuna eyale muno, amaachi kahatumirire.

⁵ Ehulukusi y'amaachi y'amaani yahatusihiriise.

⁶ Leha hwebase Omwaami, otatuleha abasuku beefwe batusihirisa.

⁷ Hwoobbya koti eyoni nihutula mu luhaanda lw'omuyiimi; oluhaanda lumalire ohuhaliha, mani huwonere!

⁸ Obuhoonyi bweefwe butula eyiri Omwaami, owaloonga ekulu neende esyaalo.