Esabbuli 121 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

Omwaami omuliindi weefwe

¹ Siingisa emoni mani nitingaala hu bigulu. Ndeteeba endi, obuhoonyi bwaange bwahatule yeena?

² Obuhoonyi bwaange butula eyiri Omwaami, owaloonga Ekulu neende esyaalo.

³ Haba saahuleha waakwa; omuliindi wao haba siyahakuunuhe daawe.

⁴ Bone, oyo omuliindi wa Yisiraeli haba sakuunuha noomba yakona endoolo.

⁵ Omwaami niye omuliindi wao; Omwaami niye obweyikamo bwao ali hu muhono kwao muluungi.

⁶ Elyuuba haba silyahahunyaale esideete, noomba omwoosi mu siro.

⁷ Omwaami achia ohuhuwoniaanga buli masira koosi; achia ohuliinda obulamu bwao.

⁸ Omwaami achia ohuhuliinda noochia haandi nookobola ohutula bulaanu buti neende endaalo choosi pe.